JUNISIEF: Biełaruś uvajšła ŭ top-10 krain śvietu z samaj nizkaj dziciačaj śmiarotnaściu
Zhodna z JUNISIEF, Biełaruś uvajšła ŭ top-10 krain śvietu z samaj nizkaj dziciačaj śmiarotnaściu.
Adznačajecca, što samaja spryjalnaja kraina dla novanarodžanych — Japonija. Tam pamiraje tolki 1 z 1 111 niemaŭlataŭ. Dalej iduć Isłandyja, Sinhapur, Finlandyja, Estonija, Słavienija, Kipr. Biełaruś raźmiaściłasia na vośmym radku z pakazčykam śmiarotnaści 1 z 667 niemaŭlataŭ. Taki ž, jak u Biełarusi, pakazčyk dziciačaj śmiarotnaści ŭ Luksiemburha, Narviehii i Paŭdniovaj Karei.
Samy vysoki ŭzrovień śmiarotnaści siarod novanarodžanych zafiksavany ŭ Pakistanie. Zhodna z dakładam, u hetaj krainie pamiraje 1 z 22 niemaŭlataŭ.
Taksama adznačajecca, što 8 z 10 samych niebiaśpiečnych miescaŭ dla naradžeńnia dziaciej znachodziacca ŭ Afrycy na poŭdzień ad Sachary, dzie ciažarnyja žančyny značna radziej atrymlivajuć dapamohu ŭ čas rodaŭ z-za halečy, kanfliktaŭ i słaba raźvitych miedycynskich ustanoŭ. Kali b u kožnaj krainie ŭzrovień śmiarotnaści novanarodžanych źniziŭsia da siaredniaha ŭzroŭniu da 2030 hoda, to možna było b vyratavać 16 młn žyćciaŭ.
Na sustrečy Snapkova ź biznesam adzin z zaprošanych zaklikaŭ źniać videazvarot «Nado!» Jak adreahavali astatnija?10
Kamientary