Raśsielhasnahlad ŭsio čaściej vyjaŭlaje ŭ biełaruskich małočnych praduktach zabaronienyja i škodnyja rečyvy i tamu hatovy ŭvieści zabaronu na pastaŭki pradukcyi ŭžo nie z asobnych pradpryjemstvaŭ, a z cełych abłaściej, paviedamlaje sajt rasijskaha viedamstva.
U Raśsielhasnahladzie adznačajuć, što ŭ apošni čas stali bolš častymi vypadki pastavak u Rasiju biełaruskaj pradukcyi sa śladami zabaronienych i škodnych rečyvaŭ.
Pa stanie na 20 lutaha viedamstva zafiksavała 32 vypadki parušeńnia patrabavańniaŭ i normaŭ JEAES u adpaviednych praduktach, ź ich u 65,6% vypadkaŭ vyjaŭleny reštki zabaronienych i škodnych rečyvaŭ.
Zaraz 42 biełaruskija pradpryjemstvy znachodziacca ŭ zonie padvyšanaj uvahi Raśsielhasnahladu, infarmuje viedamstva. Zabaronienyja i škodnyja rečyvy, u pryvatnaści, nieadnarazova vyjaŭlalisia ŭ suchich małočnych praduktach vytvorčaści AAT «Babuškina krynka» z Mahiloŭskaj vobłaści.
Kamientary