U minskim «Dana-mole» pamierła dziaŭčyna
Uviečary 24 lutaha ŭ handlovym centry Dana Mall pamierła dziaŭčyna.
Jana lažała kala apteki na pieršym paviersie, miedyki sprabavali jaje ŭratavać, dy nie zdoleli. Padrabiaznaści pakul nieviadomyja.
Pa dadzienych tut.by, dziaŭčynie było 28 hadoŭ. Vidavočcy raspaviali pra toje, što na miesca vyjazdžali rabotniki chutkaj dapamohi i milicyja.
Pa dadzienych ATN, dziaŭčyna ŭpała i raźbiła hałavu. Abstaviny śmierci vyśviatlajucca.
Kyky.org piša, što zahinułaj było 20 hadoŭ i jana była ciažarnaj. Praŭda, hetaje śćviardžeńnie bazujecca tolki na słovach adnaho ź vidavočcaŭ. Śviedčańnie adnoj z čytačak «Našaj Nivy» hetamu supiarečyć:
«Na žal, ja stała vidavočcaj trahiedyi. Nie viedaju, ci padała dziaŭčyna. Ale jana spačatku siadzieła la tualetaŭ, a paśla ŭžo na kreśle la apteki, i kazała, što jana nie moža dychać. Jana nie mahła naohuł ničoha adkazać, tolki što nie moža dychać. Farmaceŭt z apteki biehała vakoł jaje. Jana i jašče adna žančyna sprabavali pryvieści jaje ŭ prytomnaść, davali našatyr, mužčyna byŭ pobač, vyklikaŭ chutkuju, ale jana adklučyłasia, i pajšła piena z rota. Tamu jaje pakłali na padłohu na bok, padumali, moža epilepsija. Potym joj dapamahała jašče adna žančyna, kazała, što lekarka, rabili joj masaž serca i štučnaje dychańnie, potym u jaje pajšła kroŭ z nosa burbałkami. Nakont ciažarnaści ja sumniajusia, u jaje spačatku nie było žyvata, jon, mnie zdajecca, razdźmuŭsia, kali joj masaž serca rabili. Chutkaja pryjechała, pačali jaje reanimavać. Joj zrabili ŭsio, što mahli dla vyratavańnia. Ja, sa svajho boku, nie viedaju, čym jašče možna było dapamahčy, taksama biehała vakoł i nie viedała, što rabić. Niachaj ziamla joj budzie pucham, i daruj, kali nie zmahli dapamahčy», — napisała čytačka «Našaj Nivy» ŭ kamientarach.
U dyśpietčarskaj Dana Mall paćvierdzili fakt zdareńnia, ale padrabiaznaści paviedamić nie zmahli.
Dana Mall — heta raskošny šmatuzroŭnievy handlovy centr u Minsku. Jon mieścicca kala Nacyjanalnaj biblijateki. Zbudavany sierbskimi inviestarami, jon raźmiaściŭ modnyja kramy, hipiermarkiet, fud-kort i zabaŭlalnyja ŭstanovy.
Prakuratura pra śmierć Miełkaziorava: žurnalist mieŭ chraničnuju chvarobu17
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3535
Kamientary