Amierykanskija navukoŭcy stvaryli anałah čałaviečaha voka razam ź ciahlicami
Navukoŭcam sa Škoły inžyniernych i prykładnych navuk pry Harvardckim univiersitecie ŭdałosia raspracavać štučnaje voka z elektronnym kiravańniem, paviedamlaje The Harvard Gazette.
Vynachodnictva ŭjaŭlaje saboj kvadratnuju mietalinzu i štučnuju ciahlicu z palimieraŭ i elektrodaŭ. Takoje voka pracuje pa pryncypie čałaviečaha: fokus navodzicca pry raściažeńni i ściskańni linzy — i adroźnivaje navakolnyja abjekty.
«Hetaje daśledavańnie spałučaje ŭ sabie praryvy ŭ technałohii stvareńnia štučnaj ciahlicy i technałohii mietalinz, jakija mohuć źmianiać svoj fokus u režymie realnaha času hetak ža, jak i čałaviečaje voka», — skazaŭ Ałan Šy, vypusknik Škoły inžyniernych i prykładnych navuk i adzin z aŭtaraŭ daśledavańnia.
Štučnaje voka moža karektavać defiekty śpiektru bačańnia, naprykład astyhmatyzm. Pa słovach navukoŭcaŭ, padobnaje vynachodnictva moža prymianiacca nie tolki ŭ aftalmałohii, ale i ŭ mikraskopach i akularach virtualnaj realnaści.
Ciapier čytajuć
Biełastok na vušach praź źniknieńnie aktyvista Vajciachoŭskaha, susieda pamierłaha špijona Usiera. A toj ciškom viarnuŭsia ŭ Biełaruś17
Kamientary