Dziejny staršynia ABSE, ministar zamiežnych spraŭ Finlandyi Alaksandar Stub paśla pieramovaŭ z svaim biełaruskim kaleham Siarhiejem Martynavym adkazaŭ na niekalki pytańniaŭ žurnalistaŭ.
Adnak najpierš słova na pravach haspadara ŭziaŭ ministar Martynaŭ. Jon zaznačyŭ, što padčas pieramovaŭ Alaksandra Stuba i ŭ MZS, i z Alaksandram Łukašenkam byli abmierkavanyja dalejšyja ŭzajemadačynieńni z ABSE, a taksama inšymi eŭrapiejskimi arhanizacyjami, u tym liku z Eŭrasajuzam. «Biełaruś, ABSE i Eŭrasajuz hatovyja adkryć novuju staronku ŭ stasunkach, usie jany buduć pracavać u hetych metach», — skazaŭ Martynaŭ.
Jašče było zakranutaje pytańnie pra sustreču kiraŭnikoŭ zamiežnapalityčnych viedamstvaŭ krain ABSE, jakoja 4‑5 śniežnia projdzie ŭ Chelsynki.
Alaksandar Stub raskazaŭ, što razmovu z Łukašenkam jon pačaŭ z chakieju, potym surazmoŭcy pierajšli na bolš surjoznyja temy.
«Misija ABSE zafiksavała palapšeńnie klimatu padčas vybaraŭ, ale jany jašče nie byli idealnymi.Padčas sustrečy z kiraŭnikom Biełarusi my zakranuli šerah «dalikatnych pytańniaŭ» — śmiarotnaje pakarańnie, svaboda schodaŭ, niedziaržaŭnyja arhanizacyi, a taksama vybary. Ja aceńvaju tendencyju ŭ našych stasunkach ź Biełaruśsiu, jak stanoŭčuju i pazytyŭnuju. Biełaruś idzie ŭ pravilnym nakirunku. Jašče adnoj majoj zadačaj tut było padrychtavać spravazdaču pra sytuacyju ŭ Biełarusi dla svaich kaleh ź inšych krain Eŭrasajuzu», — kaža A.Stub.
Što datyčyć admieny palityčnych sankcyj suprać biełaruskich čynoŭnikaŭ, to heta pytańnie budzie razhledžanaje na nastupnaj sustrečy ministraŭ zamiežnych spravaŭ ES, što projdzie ŭ paniadziełak.«Eŭrasajuz rychtuje vyvady pa Biełarusi. Mnohija pytańni pa‑raniejšamu zastajucca adkrytymi. U pryvatnaści, sproščvańnie atrymańnia viz i zabarona na vyjezd za miažu. Pačakajem paniadziełka», — havoryć staršynia ABSE.
Ministar zamiežnych spravaŭ Finlandyi taksama ličyć, što pryjšoŭ čas pa‑novamu zirnuć na miesca Biełarusi ŭ śviecie:
«Ja nia vieru ŭ izalacyju, ja vieru ŭ supracoŭnictva. Hałoŭnaje, my zhodnyja, što pavinna być adkrytaja novaja staronka supracoŭnictva Biełarusi i Eŭrasajuzu».
Alaksandar Stub viečaram budzie mieć sustreču z pradstaŭnikami biełaruskaj apazycyi i treciaha sektaru. U vyniku heta vizytu i stanie zrazumieła, ci buduć uniesienyja niejkija praŭki ŭ vynikovuju spravazdaču BDIPČ ABSE.
Źmicier Pankaviec
Ciapier čytajuć
Vybityja dźviery, maski-šou, zatrymańnie top-mieniedžaraŭ. Pačaŭsia pahrom «Jeŭraopta»13
Kamientary