U Biełarusi ŭ budaŭničaj śfiery buduć pavialičanyja zarobki ŭ siarednim na 20%. Pra heta ŭ efiry telekanała «Biełaruś 1» raspavioŭ ministr budaŭnictva i architektury Anatol Čorny, piša Tut.by.
«Što tyčycca situacyi ŭnutry krainy, my pierahledzieli rascenki pa asabliva adkaznych rabotach, zvaračnych rabotach na naftapierapracoŭčych pradpryjemstvach, chimičnych pradpryjemstvach — tut taksama budzie pavieličeńnie kala 30%», — paviedamiŭ ministr.
Pavodle jaho, pa ahulnabudaŭničyja śpiecyjalnaściach rost zarobkaŭ składzie prykładna 20% ŭsich katehoryjach.
Anatol Čorny ŭ toj ža čas padkreśliŭ, što zarobak pavinien być zarobleny, tamu patrebna pavialičyć pradukcyjnaść pracy.
Napiaredadni, nahadajem, Łukašenka daŭ daručeńnie ŭradu pavialičyć zarobki ŭ Biełarusi da 1000 rubloŭ.
«U pałovy — nižej za 650 rubloŭ. A 10% nasielnictva krainy zmahli zarabić nie bolš za 300 rubloŭ. Heta žychary ŭ rajonach, dzie alternatyvy ŭ płanie pracaŭładkavańnia niama», — adčytaŭ prezident prysutnych i zapatrabavaŭ na praciahu hoda pavialičyć ŭzrovień siaredniaj zarpłaty ŭ krainie bolš za 1000 rubloŭ.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ30
Kamientary