U novym vypusku šou «Ja nie budu heta jeści» na «Biełsacie» raspaviadajuć, što ŭ dziacinstvie admaŭlaŭsia jeści baćka biełaruskaha dyzajnu Uładzimir Ceśler i čym jaho nakarmili.
U kožnaha dziciaci byŭ svoj kulinarny kašmar, vyhlad jakoha vyklikaŭ adnu i tuju ž reakcyju: «Ja nie budu hetaha jeści!». U kulinarnym šou z hetkaj ža nazvaju vyśviatlajuć, jakija stravy ź dziciačych hadoŭ nie pa dušy viadomym biełarusam, a viadoŭcy — prafiesijnyja šef-kuchary — sprabujuć pieramahčy ich praduziataści.
Što ž ź dziacinstva vyklikała ahidu ŭ hościa 2-j sieryi šou? Razynki (vyhladali nieestetyčna), pach harochu i rybin tłušč! Znajoma?
Ale dla zdymak «Ja nie budu heta jeści!» Uładzimir vybraŭ rybu. Jakuju, jak jamu zdavałasia, składana pryhatavać niejkim admysłovym čynam, kab było i smačna, i niezvyčajna. Što heta za ryba i ci atrymałasia ŭ našych šef-kucharaŭ Volhi Pryharavaj i Alaksandra Čykileŭskaha pierakanać hieroja šou? Daviedajeciesia z 2-j sieryi.
Razam z Uładzimiram Ceśleram majsterstva šef-kucharaŭ aceńvali art-dyrektarka mienskaj halerei sučasnaha mastactva «Ŭ» Hanna Čystasierdava i fatohraf Śniažana Barcienieva.
Hladzicie taksama:
«Nienavisnaja strava zorki «Jeŭrabačańnia» u premjernym vydańni «Ja nie budu heta jeści!»
Kamientary