Źbitaha padčas vybaraŭ žurnalista Andreja Kozieła aštrafavali na 735 rubloŭ
Pavodle milicyi, žurnalist «Biełsata» Andrej Kozieł niezakonna zdymaŭ praceduru padliku hałasoŭ na miascovych vybarach, a potym admoviŭsia pakinuć pamiaškańnie na patrabavańnie supracoŭnikaŭ milicyi.
Sudździa Ivan Kaścian pryznaŭ žurnalista Andreja Kozieła vinavatym u niepadparadkavańni supracoŭnikam milicyi. I pakaraŭ jaho štrafam u 30 bazavych vieličyniaŭ (735 rubloŭ).
Incydent adbyŭsia ŭ finalny dzień vybarčaj kampanii na adnym z učastkaŭ u Minsku, dzie žurnalist prysutničaŭ u jakaści davieranaj asoby adnaho z kandydataŭ i vioŭ videatranślacyju padliku hałasoŭ na svaju staronku ŭ Facebook.
— Staršynia kamisii zapatrabavała pakinuć učastak, ale ja praciahvaŭ, bo nazirać i zdymać padlik hałasoŭ nie zabaroniena zakanadaŭstvam. Tady supracoŭniki milicyi vyciahnuli mianie siłaj, majoj hałavoj raźbili šklanyja dźviery ŭčastka i praciahvali źbivać u kalidory, — raskazaŭ Andrej Kozieł.
Suprać žurnalista skłali administracyjny pratakoł za niepadparadkavańnie milicyi i pieršy raz pasprabavali sudzić na nastupny dzień paśla zatrymańnia.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary