Armija Pakistana atrymała «svabodu dziejańniaŭ» dla ŭdaru pa Indyi ŭ adkaz
Uzbrojenyja siły Pakistana ŭpaŭnavažanyja pryniać adkaznyja miery ŭ suviazi z ahresijaj Indyi — adpaviednaje rašeńnie pryniała Rada nacyjanalnaj biaśpieki Pakistana, paviedamlaje Samaa.
U rezidencyi premjer-ministra Pakistana 7 maja adbyłosia ekstrannaje pasiadžeńnie RNB. Rada ŭpaŭnavažyła Uzbrojenyja siły krainy na pryniaćcie adkaznych dziejańniaŭ, zajaŭlajučy pra prava krainy na samaabaronu ŭ adpaviednaści z art. 51 Statuta AAN.
U artykule 51 Statuta AAN pryznajecca prava dziaržavy-člena arhanizacyi na indyvidualnuju abo kalektyŭnuju samaabaronu ŭ vypadku ŭzbrojenaha napadu — da taho času, pakul Saviet Biaśpieki nie prymie nieabchodnyja miery dziela padtrymańnia mižnarodnaha miru i biaśpieki.
«Pakistan pakidaje za saboj prava reahavać u toj čas, u tym miescy i tym sposabam, jakija jon vybiare sam», — havorycca ŭ zajavie pa vynikach sustrečy.
Rada taksama zaklikała mižnarodnuju supolnaść nieadkładna źviarnuć uvahu na dziejańni Indyi. Eskałacyja, padkreślili ŭ RNB, ujaŭlaje surjoznuju pahrozu rehijanalnamu miru i stabilnaści.
Ciapier čytajuć
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ30
Stali viadomyja žachlivyja abstaviny śmierci byłoha vučonaha sakratara Instytuta historyi. Jamu było 45 hadoŭ
Jaje nie chacieli brać u muzyčnuju škołu, a ŭ 14 jana syhrała ŭ Karniehi-chole ŭ Ńju-Jorku. Biełaruskaja skrypačka — pra žyćcio ŭ Łondonie, zarobki i čym skrypka Stradyvary za 14 miljonaŭ jeŭra adroźnivajecca ad zvyčajnaj1313
Kamientary