Ahulnaje bahaćcie 50 najbahaciejšych ludziej Rasiei za dzień skaraciłasia bolš čym na $ 11,7 miljardaŭ, vynikaje z dadzienych ekśpiertaŭ časopisa Forbes, jakija raźličvajucca ŭ režymie realnaha času. Kapitały ŭdzielnikaŭ śpisa Forbes skaračajucca śledam za padzieńniem rasijskaha fondavaha rynku, piša RBK.
Lidaram pa stratach staŭ Aleh Dzierypaska, čyjo bahaćcie na fonie rezkaha źnižeńnia koštu papier Rusal i En + Group skaraciłasia amal na čverć, abo na $1,3 miljarda. Ekśpierty Forbes aceńvajuć bahaćcie Dzierypaski ŭ paniadziełak u $4 młrd, tady jak na momant publikacyi rejtynhu miljarderaŭ Forbes 2018 hoda było $6,7 miljarda.
Tyja ž $ 1,3 miljarda straciŭ i asnoŭny ŭładalnik «Narylskaha nikielu» (košt akcyj 9 krasavika abvaliŭsia bolš čym na 15%) Uładzimir Patanin, jakoha ŭ adroźnieńnie ad Dzierypaski Minfin ZŠA pakul nie adnios da liku «aliharchaŭ».
Zatoje treciaje i čaćviortaje miescy siarod lidaraŭ strat dnia zastalisia za Viktaram Vieksielbierham (minus $908 miljonaŭ) i Sulejmanam Kierymavym (minus $813 miljonaŭ). Abodva jany apynulisia ŭ apublikavanym 6 krasavika Minfinam ZŠA dadatku da sankcyjnaha śpisa.
Jašče dvoje fihurantaŭ dakumienta stracili pakul prykmietna mienš. Andrej Skoč, pa padlikach Forbes, staŭ biadniej na $106 miljonaŭ, Uładzimir Bahdanaŭ — na $47 miljonaŭ. A na kapitałach Ihara Ratenbierha i Kiryła Šamałava padzieńnie fondavaha rynku 9 krasavika, pa mierkavańni Forbes, nie adbiłasia zusim.
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary