Jak stała viadoma «Našaj Nivie», ad svajoj pasady vyzvaleny dekan Instytuta žurnalistyki BDU Siarhiej Dubovik.
Adbyłosia heta na dniach, u čas, kali Dubovik byŭ u vodpusku.
Hetuju infarmacyju nam paćvierdzili rabotniki instytuta.
Dubovik zajmaŭ pasadu dekana z 2005 hoda, a raniej paśpieŭ pabyć i hałoŭnym redaktaram «Respubliki», i pres-sakratarom premjer-ministra.
Ciapier abaviazki Dubovika vykonvaje jaho namieśnica, Volha Samusievič. Kaho pryznačać na miesca dekana, pakul nieviadoma.
Adnaznačna možna skazać, što kadravyja źmieny vyklikanyja palitykaj novaha rektara BDU Andreja Karala.
U pryvatnaści, płanavałasia nie tolki pryznačyć novaje kiraŭnictva, ale i pazbavić instytut jaho statusu, viarnuŭšysia da farmatu fakulteta. Ale ad hetych płanaŭ pakul admovilisia.
Kamientary