7 krasavika na aŭtamabilnaj stajancy pa vulicy Rakaŭskaj maładyja ludzi napadpitku źbili mužčynu z-za parkavalnaha miesca, paviedamlaje HUUS Minskaha harvykankama.
Mužčyna razam sa svajoj dziaŭčynaj zajechaŭ na stajanku. Ubačyŭ, što adzin z aŭtamabilaŭ zajmaje dva parkavalnyja miescy, i padyšoŭ da kiroŭcy, paprasiŭ vyzvalić adno miesca dla svajoj mašyny. Hutarka nie atrymałasia: pasažyr aŭto vybieh z transpartnaha srodku i ŭdaryŭ mužčynu niekalki razoŭ. Praź niekatory čas «na dapamohu» siabru z mašyny vybieh jašče adzin pasažyr, jaki taksama ŭdaryŭ mužčynu niekalki razoŭ u śpinu. Złamyśniki pakinuli miesca zdareńnia, ale nieŭzabavie byli zatrymanyja supracoŭnikami staličnaj milicyi.
U dačynieńni da maładych ludziej raspačata kryminalnaja sprava pa č.2 art.339 KK Respubliki Biełaruś («Chulihanstva»). Im pahražaje maksimalnaje pakarańnie ŭ vyhladzie pazbaŭleńnia voli na termin da šaści hadoŭ.
Raptoŭna pamior Uładzimir Usier — niemałady aktyvist, jaki ŭlapaŭsia ŭ film BT i špijanaž u Polščy29
Kamientary