Konkurs sełfi88

Apošni šaniec atrymać dva krutyja smartfony Samsung Galaxy A8|A8+! 

Zdajecca, zusim niadaŭna «Naša Niva» i Samsung Galaxy A8|A8+ abviaścili pra start konkursu «Navučy babulu rabić sełfi», jak užo zastajecca ŭsiaho tydzień da skančeńnia pryjomu vašych fotazdymkaŭ. Paśla — hałasavańnie i abrańnie pieramožcy.

I vy ŭsio jašče možacie paśpieć paŭdzielničać! Dla hetaha treba prademanstravać babuli ci dziaduli, jak pracuje kamiera i jak rabić sełfi, dy padzialicca zdymkam, što ŭ ich atrymajecca, u sacsietkach z cheštehami #nn_A8belarus #samsungbelarus.

Bolš padrabiaznyja praviły konkursu

Kankurencyja za hałoŭnyja pryzy ŭzmacniajecca, dniami my atrymali jašče piać fotahistoryj. Abrać ź ich try samyja-samyja žury budzie vielmi składana — heta stała zrazumieła ŭžo daŭno.

Ujavicie sabie, što hetamu hieroju fotazdymka, Uładzimiru Ihnatoviču, 95 hod i jon prajšoŭ usiu vajnu, na jakoj byŭ kulamiotčykam. Varožyja kuli abychodzili jaho bokam, a ciapier bokam abychodzić i staraść. Uładzimir Jakaŭlevič zdolny chadzić biez kijka, a kožny svoj dzień apisvaje ŭ dziońniku. Sełfi zasvoiŭ biez prablem. «Prosta hladziš, jak u lusterka», — prakamientavaŭ spadar Uładzimir.

A voś Alaksandra Ščemier — sapraŭdnaja zorka svajho rodnaha Barysava. U minułym doktarka, siońnia jana nie tolki śpiavaje ŭ narodnym chory, ale i aktyŭna zaŭzieje za futbolnaje BATE. A jašče Alaksandra Dźmitryjeŭna nieabyjakavaja da paradku: dziakujučy joj u dvary čysta, a miascovyja kiroŭcy parkujucca pa praviłach.

Fota ad Janiny Miedušeŭskaj prylacieła da nas z pryvitańniem z Hrodzieščyny — ź vioski Dałmataŭščyna Karelickaha rajona. Janina Ivanaŭna doŭhi čas pracavała na fiermie, daiła karoŭ, dahladała cialat. Vielmi lubić čytać. I nie tolki kłasiku, a, naprykład, Alhierda Bachareviča. Unučka Vieranika dziakuje babuli za ŭsio: «Jana navučyła nas pracavać, pavažać ziamlu i asabliva chleb. Da hetaha času nie padymajecca ruka vykinuć choć akrajčyk u śmietnicu».

Iryna Makiejeva choć i pražyła bolšuju častku žyćcia ŭ horadzie, ciapier abrała dla siabie viosku. I nie škaduje. Kožnaje leta jana na aharodzie, kab paradavać rodnych śviežaj smačnaj harodninaj. Dziakujučy viaskovamu ładu žyćcia, kažuć unuki, žančynie ŭdałosia zachavać pryhožuju biełaruskuju havorku.

Alaksandry Chochrynaj ź Minsku — 94 hady. Žyćcio ŭ jaje było takoje cikavaje, što ŭnuki i praŭnuki chočuć napisać pra jaho knihu. «Byli b u hetaj knižcy staronki bolu i pakut, źviazanyja z haładamoram va Ukrainie, kali z 7 čałaviek u siamji žyvaja zastałasia tolki jana. Byli b i staronki vandravańniaŭ. Staronki stojkaści, kali daviałosia pieražyć tyf i malaryju. Staronki spačuvańnia i dapamohi — ab pracy ŭ sarataŭskim vajskovym špitali z paranienymi. Staronki pačesnaj pracy ŭ lehiendarnym minskim univiersamie «Centralny»…». Prajšoŭšy praz usio heta, Alaksandra Jemieljanaŭna nie zhubiła pačućcio humaru. «Vy vyhladajecie na ŭsie 100!», — kažuć joj. «Nie, usiaho na 94», — adkazvaje jana.

Voś takaja pazityŭnaja i žyćcielubivaja atrymałasia novaja piaciorka ŭdzielnikaŭ konkursu. Dałučajciesia i vy! Nahadajem, što samaha kreatyŭnaha aŭtara sełfi čakajuć adrazu dva smartfony: Samsung Galaxy A8 i Samsung Galaxy A8+.

Hladzieć sełfi ŭsich udzielnikaŭ konkursu

Kamientary8

Ciapier čytajuć

Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej

Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej

Usie naviny →
Usie naviny

«Ruskija i amierykancy plaskajuć u ładki». Maskva, Bierlin i Vašynhton abmiarkoŭvajuć adnaŭleńnie pastavak syraviny ŭ Hiermaniju na NPZ «Rasnafty»6

Samalot śpiecpasłańnika Trampa Styva Uitkafa pryziamliŭsia ŭ Maskvie2

Pachaładaje da 0..+7°S, nočču da -9°C, čakajecca mokry śnieh

«Heta byŭ žach». Minčanie skinulisia i svaimi siłami zrabili cud u starym padjeździe. Hladzicie, jak atrymałasia i kolki kaštavała7

Što čakaje Połk Kalinoŭskaha paśla mahčymaha pieramirja i ci zojdzie USU na terytoryju Biełarusi? Razvažaje palitołah Mahda7

Troje siabrukoŭ u kramach pry AZS šukali tavary, jakija pradajucca z parušeńniami, a paśla vymahali hrošy ŭ pradaŭcoŭ2

Litva sprabuje pierakanać ZŠA nie zdymać sankcyi ź biełaruskaha kaliju5

Biełarusy stali atrymlivać listy ad machlaroŭ z «nacyjanalnaj palicyi pa narkotykach»

Z sakavika ŭzmacnili kantrol na litoŭskaj miažy? Voś što kažuć4

bolš čytanych navin
bolš łajkanych navin

Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej

Biełaruska narakaje, što siem hadoŭ nie moža znajści pastajannuju pracu. A ŭ emihracyi stała jašče składaniej

Hałoŭnaje
Usie naviny →

Zaŭvaha:

 

 

 

 

Zakryć Paviedamić