Kamitet pravoŭ čałavieka AAN ustaŭ na bok Mai Abromčyk, jakoj milicyjant złamaŭ nahu na «Płoščy-2010»
U raźbiralnictvie «Abromčyk suprać Biełarusi» Kamitet pravoŭ čałavieka AAN ustaŭ na bok Mai Abromčyk, piša na Facebook rasiejski advakat Siarhiej Hałubok paviedamlaje Radyjo Svaboda.
Kamitet vyrašyŭ, što Maja Abromčyk nazirała za mirnym schodam u centry Miensku 19 śniežnia 2010 hodu (tady pratestavali suprać vynikaŭ prezydenckich vybaraŭ), była źbitaja milicyjantam, jaki złamaŭ joj nahu. U vyniku jana praviała 7 dzion u špitali. Kamitet ličyć hetaje źbićcio parušeńniem pravoŭ čałavieka, a adkaznyja za jaho, adznačajecca ŭ rašeńni, zastalisia niepakaranymi.
«Kamitet ličyć, što padadzienyja fakty pakazvajuć, što dziaržava nia zdoleła adekvatna raśśledavać abvinavačańni, — havorycca ŭ rašeńni. — U hetym vypadku dziaržaŭny bok abaviazany: a) pravieści poŭnaje i efektyŭnaje raśśledavańnie abvinavačańniaŭ zajaŭnicy pra žorstkaje abychodžańnie, pryciahnuć da adkaznaści vinavatych i pakarać ich adpaviednymi mierami; v) dać adekvatnuju kampensacyju, u tym liku pakryćcio lubych sudovych i medyčnych vydatkaŭ, a taksama niemateryjalnych strataŭ zajaŭnicy; s) prynieści aficyjnyja prabačeńni zajaŭnicy.
Dziaržava taksama abaviazanaja pryniać usie nieabchodnyja zachady ŭ praduchileńni analahičnych parušeńniaŭ u budučyni praz svaje abaviazańni jak padpisanta Fakultatyŭnaha pratakołu, kab supracoŭničać u duchu Kamitetu».
-
Žurnalistka «Sputnika» źviartajecca da Łukašenki: jaje syn pastupiŭ u Vyšejšuju škołu ekanomiki ŭ Maskvie, a doma na jaho zaviali kryminałku
-
Były supracoŭnik «Bietery» zapisaŭ vialikaje videa pra heta anłajn-kazino. Ciapier u jaho prablemy ź milicyjaj
-
U Minsku raźvitalisia z paetam Uładzimiram Karyznam, aŭtaram słoŭ da ciapierašniaha dziaržaŭnaha himna Biełarusi
«Śvińni zarochkali. Biez vady daŭno nie siadzieli, ja b im adklučyŭ». Azaronak abrynuŭsia na žycharoŭ rajona Lebiadziny29
Kamientary