Paryžskaja palicyja rasśleduje abvinavačvańnie ŭ zhvałtavańni, vysunutaje suprać adnaho z samych viadomych francuzskich režysioraŭ Luka Biesona. Skarha ŭ palicejski ŭčastak u Paryžy ŭ piatnicu była padadzienaja aktrysaj, imia jakoj nie nazyvajecca.
«Luk Bieson kateharyčna admaŭlaje hetyja fantastyčnyja abvinavačvańni», — zajaviŭ juryst režysiora Ćjery Marambiert.
Juryst dadaŭ, što režysior viedaje žančynu, jakaja padała skarhu, ale «nikoli nie pavodziŭ siabie nienaležnym čynam u adnosinach da jaje».
Asašyejted pres paviedamlaje, što havorka idzie pra incydent u hateli «Brystal» u Paryžy z žančynaj 27 hadoŭ. Aktrysa śćviardžała, što była ź Biesonam u adnosinach kala dvuch hadoŭ, i paskardziłasia na prymus da blizkaści, jaki byŭ źviazana z pracaj.
59-hadovy Bieson žanaty na kinapradziusary Viržynii Siła, u režysiora troje dziaciej ad jaje i dvoje ad papiarednich šlubaŭ.
Režysior, pradziusar i scenaryst, Bieson prasłaviŭsia, dziakujučy takim stužkam, jak «Błakitnaja biezdań», «Leon», «Padziemka» i «Piaty elemient».
Kamientary