«My zaŭsiody budziem nieści svoj kryž, budziem apłotam viery, pravasłaŭja», ‑‑ zajaviŭ kiraŭnik dziaržavy ŭ Miensku padčas cyrymonii ŭručeńnia patryjarchu Alaksiju II Ordena Pašany.
«Vy pavinny być upeŭnienyja ŭ tym, što Biełaruś nazaŭždy zastaniecca apiryščym pravasłaŭnaj carkvy. My zaŭsiody budziem nieści svoj kryž, budziem apłotam viery, pravasłaŭja», ‑‑ zajaviŭ A. Łukašenka ŭ Miensku padčas cyrymonii ŭručeńnia patryjarchu Alaksiju II Ordena Pašany.
U Biełarusi niama nijakich roznahałośsiaŭ i kanfliktaŭ na relihijnaj hlebie. Hety fakt asabliva adznačyŭ kiraŭnik dziaržavy.
Źviartajučysia da Patryjarcha Alaksija II, biełaruski lider padkreśliŭ: «Vaš pryjezd u Biełaruś — heta nie tolki padzieja dla viernikaŭ, ale i bujnaja palityčnaja padzieja. Adnosiny biełarusaŭ da vas ničym nie adroźnivajucca ad adnosin ruskaha čałavieka».
Prezident taksama dadaŭ, što pravasłaŭnaja carkva — «heta asnova, heta 85 pracentaŭ viernikaŭ». «I siońnia heta nichto nie asprečvaje», — dadaŭ kiraŭnik dziaržavy.
Alaksandr Łukašenka padkreśliŭ, što «Biełaruś — kraina pravasłaŭnaja, i taho kursu, jaki my niekali ŭziali, my budziem prytrymlivacca». «Tamu što tak choča naš narod», — skazaŭ Prezident.
Kiraŭnik dziaržavy asabliva adznačyŭ važnuju rolu Mitrapalita Minskaha i Słuckaha Fiłareta, Patryjaršaha Ekzarcha ŭsiaje Biełarusi ŭ padtrymańni zhody ŭ biełaruskim hramadstvie.
Patryjarch Alaksij II padziakavaŭ Alaksandru Łukašenku za sadziejničańnie ŭ adnaŭleńni i budaŭnictvie chramaŭ. Jon taksama vykazaŭ słovy ŭdziačnaści Prezidentu Biełarusi za ciopłyja adnosiny da carkvy. «Rabić dabro — heta vialikaja sprava. Ja ŭ mnohich miescach byvaŭ, bačyŭ, jak narod vas cenić», — dadaŭ jon.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam6
Kamientary