U paniadziełak dniom u vioscy Moładava Ivanaŭskaha rajona aŭtamabil «Falksvahien Pasat» zajechaŭ na terytoryju pryvatnaha dvara, urezaŭsia ŭ dom, spyniŭšysia na parozie. Ad udaru kut doma «pajechaŭ», i cehła abrynułasia. Na miescy pracavali vyratavalniki, miedyki, DAI, piša abw.by.
«Dom, u jaki zajechali ŭ Moładavie, buduju ja z baćkam. Kiroŭca navat nie tarmaziŭ, jechaŭ z ryby. Na T-skryžavańni prajechaŭ znak «Sastupi darohu», pajechaŭ prosta ŭ dom. Pry hetym źnios płot. Vałuny, jakija lažali ŭnizie pad płotam u šerah, palacieli mietraŭ na 10. Udar byŭ takoj siły, što ŭsia ściana «pajšła», pałovu sapraŭdy pryjdziecca raźbirać», — napisaŭ u pabliku «Na Janovskoj vołnie» adzin z karystalnikaŭ.

Pa słovach žančyn, kiroŭca byŭ nie pryšpileny, basanož, boty rybackija lažali na zadnim siadzieńni. Pašancavała, što paduški spracavali abiedźvie i što upiorsia ŭ paroh kala dźviarej. Kali b dalej pajšoŭ, mahło i zavalić cehłaj».

Kamientary