Nacyjanalny bank 28 kastryčnika ŭvodzić u abaračeńnie pamiatnyja maniety «Dziady» z seryi «Śviaty i abrady biełarusaŭ».
Nacyjanalny bank Respubliki Biełaruś 28 kastryčnika 2008 h. uvodzić u abaračeńnie pamiatnyja maniety «Dziady» sieryi «Śviaty i abrady biełarusaŭ»:
srebnuju — naminałam 20 rubloŭ, probaj spłavu 925, masaj 33,62 h, dyjamietram 38,61 mm;
miedna‑nikielevuju — naminałam 1 rubiel, masaj 16,00 h, dyjamietram 33,00 mm.
Maniety majuć formu kruha, ź piaredniaha i advarotnaha bakoŭ — vystupajučy kant pa akružnaści. Bakavaja pavierchnia maniet ryflonaja. Pavierchnia maniet aksidziravana.
Na piarednim baku maniet raźmieščany: u kruzie, abramlenym hieamietryčnym arnamientam, — reljefnaja vyjava Dziaržaŭnaha hierba Respubliki Biełaruś; u centry — salarny znak u vyhladzie vaśmikancovaj hieamietryčnaj fihury z elemientami dekoru, jaki simvalizuje soniečnyja promni; pad im ukazany: hod čakanki, na srebnaj maniecie — proba spłavu; pa kruzie nadpisy: u vierchniaj častcy — RESPUBLIKA BIEŁARUŚ, u nižniaj — DVACCAĆ RUBLOŬ (na srebnaj) i ADZIN RUBIEL (na miedna‑nikielevaj).
Na advarotnym baku maniet raźmieščany: u centry — interjer viaskovaj chaty, u jakoj praz adčynienyja dźviery vidać stoł, nakryty dla paminańnia pamierłych; uviersie — nad uvachodam u chatu dva anioły trymajuć śviečku (na srebnaj maniecie ŭstaŭka ź sintetyčnaha kryštala aranžavaha koleru, jakaja imituje połymia); uviersie i pa bakach — reljefnyja elemienty biełaruskaha nacyjanalnaha arnamientu; unizie pa kruzie nadpis: DZIADY.
Srebnyja i miedna‑nikielevyja maniety adčakanieny jakaściu «ancyrkulejted», tyražom pa 5000 štuk kožnaja.
Pamiatnyja maniety, što ŭvodziacca ŭ abaračeńnie, źjaŭlajucca zakonnym płaciežnym srodkam Respubliki Biełaruś, abaviazkovym da pryjomu pa naminalnym košcie pry ŭsich vidach płaciažoŭ biez usialakich abmiežavańniaŭ.
Kamientary