Apošnija 10 hadoŭ biełaruskija abituryjenty i ich baćki ŭsio čaściej spračajucca pra toje, nakolki ŭžyvalnyja na praktycy ŭniviersiteckija viedy i ŭ jakoj miery jany dazvalajuć raskryć karjerny i tvorčy patencyjał čałavieka. Samyja jarkija debaty na hetuju temu razhortvajucca vakoł humanitarnaj adukacyi: ci maje sens vyvučać «nieprykładnyja» dyscypliny, kab realizavać siabie? Jeŭrapiejski humanitarny ŭniviersitet u Vilni vyrašyŭ razabracca ŭ tym, jak biełaruskija studenty adkryvajuć dla siabie novyja pierśpiektyvy dziakujučy libieralnaj madeli adukacyi (liberal arts).
Libieralnaja madel adukacyi ŭ EHU dazvalaje biełaruskim studentam pazbavicca miežaŭ šabłonnaha myśleńnia, a taksama vychavać u sabie kreatyŭnaść, asabistuju adkaznaść i pradprymalnaść. Studenty zasvojvajuć nietypovyja sposaby vyrašeńnia štodzionnych zadač, a taksama stvarajuć i realizujuć ułasnyja prajekty.
Adzin sa sposabaŭ navučańnia padobnym jakaściam — zaachvocić studentaŭ vykarystoŭvać alternatyŭnyja formy ŭvasableńnia svaich idej. Pieršakurśniki EHU ciaham usiaho navučalnaha hoda vystupajuć na simpoziumach, pryśviečanych pieraasensavańniu šedeŭraŭ zachodniaha mastactva i intelektualnaj tradycyi. Naprykład, studenty mohuć hrafična pakazać muzyčny tvor ci arhanizavać teatralny vystup, natchniony knihaj, karcinaj abo skulpturaj. Niekatoryja navučalnyja mierapryjemstvy ładziacca pa-za Vilniaj: apošni vyjazny simpozium tradycyjna prajšoŭ u Fłarencyi, dzie hrupy studentaŭ pradstavili svaje tvorčyja pošuki.
Adna z rysaŭ libieralnaj madeli adukacyi — aktyŭna pryciahvać kožnaha studenta da pracy nad tvorčymi prajektami. U mai pieršakurśniki EHU pradstavili ŭsiamu ŭniviersitetu sieryju pierfomansaŭ pa matyvach apovieści Franca Kafki «Pieratvareńnie». Asablivuju atmaśfieru stvaryła toje, što vystupy prajšli va ŭnutranym dvary novaha navučalnaha korpusa EHU — byłym Aŭhuścinskim klaštary, jaki znachodzicca ŭ Starym horadzie Vilni.
Akramia hetaha, u miežach madeli Liberal arts kožny student EHU moža ŭdzielničać u mižnarodnych mierapryjemstvach, jakija dazvalajuć zrabić pieršyja karjernyja kroki i zavieści znajomstvy ŭ prafiesijnaj śfiery. U mai navučency prahramy «Mižnarodnaje prava i prava ES» pahruzilisia ŭ pravavuju praktyku na mižnarodnym trenirovačnym sudovym pracesie Riga Moot 2018. Za miesiac da taho studenty, jakija vyvučajuć miedyja, pradstavili piać ułasnych filmaŭ na kinafiestyvali SmolShort u Sankt-Pieciarburhu, dva ź jakich prynieśli maładym režysioram prestyžnyja ŭznaharody. Akramia taho, šerah kulturnych, sacyjalnych i adukacyjnych prajektaŭ studentaŭ EHU rehularna pradstaŭlajecca na forumach i kanfierencyjach pa ŭsioj Jeŭropie.
Inicyjatyŭnyja studenty EHU nie tolki ŭdzielničajuć u mižnarodnych mierapryjemstvach, ale i vykarystoŭvajuć atrymanyja va ŭniviersitecie navyki dla praviadzieńnia ŭłasnych sacyjalnych prajektaŭ. Prykmietnaj inicyjatyvaj u Biełarusi staŭ cykł adukacyjnych vorkšopaŭ dla aktyvistaŭ Mahilova «Biełaruskija maładych lidary», arhanizavany studentam 4 kursa Alaksiejem Harnośkam.
Sustrečy, nakiravanyja na raźvićcio hramadzianskaha ŭdziełu na rehijanalnym i nacyjanalnym uzroŭniach, dazvolili ŭdzielnikam raźvić navyki aratarskaha mastactva, paznajomicca z pryncypami i instrumientami kibier-biaśpieki, a taksama daviedacca ab prablemach pracoŭnaj mihracyi ad pradstaŭnikoŭ AAN. U toj ža čas u Homieli realizujecca prajekt «Promni Dabra», skiravany na dapamohu dzieciam-vychavancam homielskaha sacyjalna-piedahahičnaha centra. Vypusknica EHU Alaksandra Łazarenka z kamandaj vałancioraŭ kuruje sustrečy z prafiesijanałami z roznych abłaściej, ładzić kulinarnyja majstar-kłasy, a taksama arhanizoŭvaje spartovyja i tvorčyja sustrečy.
Novy impuls raźvićciu tvorčych jakaściaŭ studentaŭ EHU nadaje navučańnie ŭ novym korpusie — budynku byłoha Aŭhuścinskaha klaštara, jaki raźmiaščajecca ŭ histaryčnym centry Vilni.
U 2018 hodzie EHU prymaje studentaŭ na dzionnyja i dystancyjnyja bakałaŭrskija prahramy «Vizualny dyzajn i miedyja», «Kulturnaja spadčyna i turyzm», «Miedyja i kamunikacyja», a taksama na prahramu bieśpierapynnaha navučańnia «Mižnarodnaje prava i prava Jeŭrapiejskaha sajuza».
Pryjom dakumientaŭ na vočnyja bakałaŭrskija prahramy EHU ažyćciaŭlajecca da 13 červienia, a na zavočnyja prahramy — da 1 lipienia.
Taksama adkryty nabor na mahistarskija prahramy: «Kulturnyja daśledavańni» (śpiecyjalizacyi: Krytyčnyja haradskija daśledavańni, Hiendarnyja daśledavańni, Vizualnyja i kulturnyja daśledavańni), «Histaryčnaja i kulturnaja spadčyna», «Publičnaja palityka».
Pryjom dakumientaŭ na mahistarskija prahramy — da 1 lipienia.
Usie pytańni adnosna praviłaŭ pryjomu i pracesu pastupleńnia možna zadać:
[email protected]
Skype: QuestionEHU
Teł.: +370 5 263-96-50
HA «Jeŭrapiejski humanitarny ŭniviersitet»
Kod ustanovy: 300548028
Biełaruskaja błohierka pakazała, jaki žach moža adbyvacca z vusnami, kali chočaš ich pavialičyć — a potym pamienšyć7
Kamientary