Ciažkuju traŭmu frezieroŭščyk atrymaŭ padčas pracy na stanku — apracoŭvaŭ detal, paviedamlajuć «Silnyje novosti».
Pra toje, što ŭ miechana-zboračnym cechu pradpryjemstva zdaryŭsia niaščasny vypadak, paviedamili supracoŭniki pradpryjemstva. Pa słovach kaleh paciarpiełaha, mužčynu stankom «adarvała ruku». U administracyi paćvierdzili fakt zdareńnia, adnak nie stali ŭdakładniać, ci sapraŭdy ruku «adarvała», skazaŭšy tolki, što ŭ špitali jon byŭ praapieravany paśpiachova — u tym sensie, što jaho žyćciu ničoha nie pahražaje.
Administracyja pradpryjemstva taksama adpraviła lekaram zapyt ab tym, ci ŭdałosia adnavić žyćciazdolnaść ruki, adnak adkazu pakul niama.
Na dadzieny momant viadoma, što traŭmu atrymaŭ mužčyna 1961 hoda naradžeńnia, jaki maje piatnaccać hadoŭ stažu pracy pa śpiecyjalnaści.
Namieśnik hałoŭnaha inžyniera pa biaśpiecy vytvorčaści Anatol Stankievič raspavioŭ, što adrazu paśla nadzvyčajnaha zdareńnia była vyklikana chutkaja i paciarpieły byŭ špitalizavany.
