Alaksandr Łukašenka zajaviŭ, što niekatoryja vysokapastaŭlenyja čynoŭniki ŭžo aryštavanyja i dajuć pakazańni ŭ śledčym izalatary. Dniami tyja samyja słovy paŭtaryŭ staršynia KDB Valeryj Vakulčyk, udakładniŭšy, što ŭźnikli pytańni da dekłaracyj słužboŭcaŭ. Praŭda, imiony zatrymanych nie nazyvajucca.
Vyhladaje, što adzin ź fihurantaŭ hetych kryminalnych spraŭ — były ministr enierhietyki Uładzimir Patupčyk. Jon byŭ adpraŭleny ŭ adstaŭku ŭ pačatku maja 2018 hoda z farmuloŭkaj «za sadziejničańnie niezakonnamu siamiejnamu biznesu».
Im adrazu ž zaniaŭsia Kamitet dziaržaŭnaj biaśpieki. Jak stała viadoma «NN»,
u dzień adstaŭki čynoŭnika adrazu ž byŭ aryštavany katedž Patupčyka, pabudavany niepadaloku ad «Minsk-Areny» na «vulicy bankiraŭ».
Tut žyvuć byłyja staršyni i namieśniki staršyniaŭ Nacbanka, a taksama biehły kirhizski prezident Kurmanbiek Bakijeŭ.
Aproč taho,
była apiačatanaja kvatera Patupčyka ŭ domie na vulicy Biełaruskaj, na bierazie Śvisłačy.
Jon dziŭnym čynam pryvatyzavaŭ jaje ŭ siaredzinie 2000-ch, atrymaŭšy dazvoł pieršasnaha ŭłaśnika — Hałoŭnaha haspadarčaha ŭpraŭleńnia Kiraŭnictva spraŭ prezidenta.
«Naša Niva» sprabavała na praciahu niekalkich dzion źviazacca z pres-słužbaj KDB, kab atrymać aficyjny kamientar.
* * *
Uładzimir Patupčyk nar. 1958 u Śvietłahorsku. Skončyŭ Biełaruski politechničny instytut (1980) i Rasijskuju akademiju dziaržaŭnaj słužby pry prezidencie Rasii (2002).
U 1980—1984 pracavaŭ na Mazyrskaj CEC, Śvietłahorskaj CEC i na «Homielenierha», u 1984—1990 — u Śvietłahorskim harkamie KPB. U 1990—1998 — namieśnik staršyni Śvietłahorskaha savieta narodnych deputataŭ, namieśnik mera Śvietłahorska. U 1998—2001 — staršynia kamiteta Homielskaha abłvykankama, u 2001 — mer Mazyra, u 2001—2004 — vice-hubiernatar Homielščyny. U 2004—2006 — pamočnik prezidenta (inśpiektar pa Minsku). U 2006—2009 — ministr pracy i sacyjalnaj abarony, u 2009—2010 — vice-premjer. U 2011—2012 — vice-śpikier savieta respubliki. U 2013—2018 — ministr enierhietyki.
Čytajcie: Jak čynoŭniki stanoviacca miljanierami. Prykład źniataha za karupcyju ministra enierhietyki Patupčyka
Ciapier čytajuć
Novy Niurnbierh. Jeŭropa stvaraje Śpiectrybunał pa vajnie va Ukrainie — ci zmohuć asudzić Łukašenku?4
Kamientary