Pamior były salist rasijskich Michajłaŭskaha i Maryinskaha teatraŭ Valeryj Panoŭ
Jon naradziŭsia ŭ Viciebsku, a jahony syn ličyŭsia pieršym pankam u SSSR.
U Izraili na 88-m hodzie žyćcia pamior artyst baleta i chareohraf Valeryj Panoŭ. Da emihracyi z SSSR u 1974 hodzie jon tancavaŭ u leninhradskim Małym teatry opiery i baleta i Teatry opiery i baleta imia Kirava, ciapier viadomych jak Michajłaŭski i Maryinski teatry. Paśla — byŭ viadučym tancoram Bierlinskaha opiernaha baleta i pastanoŭščykam baletaŭ na viadučych suśvietnych scenach, paviedamlaje Rasijskaja słužba Radyjo Svaboda.
Naradziŭsia Panoŭ u Viciebsku ŭ 1938 hodzie i mieŭ proźvišča Šulman (Panoŭ — proźvišča jaho pieršaj žonki), vučyŭsia ŭ Vilni, Maskvie i Leninhradzie, dzie skončyŭ chareahrafičnaje vučylišča. U Savieckim Sajuzie jon tancavaŭ u «Piatrušcy» Kanstancina Bajarskaha, «Paniency i chulihanie» Hułbata Davitašvili, «Krainie cudaŭ» Leanida Jakabsona, «Hamlecie» Kanstancina Siarhiejeva, «Stvareńni śvietu» Natalli Kasatkinaj i Uładzimira Vasiljeva.
U 1972 hodzie Panoŭ i jahonaja žonka, baleryna Kiraŭskaha teatra Halina Rahozina, padali zajavu na vyjaznuju vizu ŭ Izrail. Ich vyklučyli z baleta, jaho nienadoŭha aryštavali, jany byli vypuščanyja z krainy pad mižnarodnym ciskam.
Jany tancavali ŭ baletnych hrupach «Bat-Ševa» i «Bat-Dor», vystupali ŭ Bierlinie, Panoŭ staviŭ śpiektakli ŭ Vienie, San-Francyska, Osła, Stambule. Byŭ mastackim kiraŭnikom Karaleŭskaha baleta Fłandryi i baletnym dyrektaram Dziaržaŭnaj opiery ŭ Bonie.
Syn Panova, Andrej, zastaŭsia ŭ Leninhradzie i staŭ rok-muzykantam, zasnavalnikam adnoj ź pieršych u krainie pank-hrup — «Avtomatičieskije udovletvoritieli».
Na hrošy, jakija baćka dasyłaŭ z-za miažy, jon nabyŭ instrumienty i ŭstanoŭku dla barabanaŭ. U kampanii Panova-małodšaha ŭźnikli pieršyja viadomyja savieckija rok-hrupy, u tym liku «Kino».
Valeryj Panoŭ pamior 3 červienia ŭ Ašdodzie, dzie zasnavaŭ ułasnuju baletnuju škołu. Pachavańnie artysta adbyłosia ŭdzień 4 červienia.
Ciapier čytajuć
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha5
«Treba damaŭlacca istotna». Łukašenka raskazaŭ pra sustreču z pradstaŭnikami Zialenskaha
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu9595
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu95
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3737
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było37
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1515
Kamientary