Hramadstva33

U bajach na Danbasie va ŭkrainski pałon trapiŭ 54-hadovy biełarus Siarhiej

Padčas bajoŭ kala pasiołka Piatroŭka Danieckaj vobłaści na Pakroŭskim kirunku va ŭkrainski pałon trapiŭ hramadzianin Biełarusi Siarhiej Kuźmienka, jaki vajavaŭ na baku Rasii.

Jak paviedamili «Svabodzie» ŭ dziaržaŭnym ukrainskim prajekcie «Chaču žyć», jakim zajmajecca Kaardynacyjny štab pa pytańniach abychodžańnia z vajennapałonnymi, «Siarhiej Anatoljevič Kuźmienka trapiŭ u pałon u traŭni».

Da kantraktu z rasijskaj armijaj jon žyŭ u rasijskim horadzie Jarasłaŭl. Vajavaŭ strałkom u druhim bataljonie 102-ha motastrałkovaha pałka 150-j dyvizii, jakuju paśla bajoŭ pad Maryupalem faktyčna daviałosia całkam adnavić — tady ŭ pieršyja dni poŭnamaštabnaha ŭvarvańnia Rasii ŭkrainskija siły źniščyli minimum 7 taktyčnych bataljonaŭ dyvizii. Padraździaleńni 150-j motastrałkovaj dyvizii dysłakujucca ŭ Rastoŭskaj vobłaści Rasii.

Pavodle infarmacyi prajekta «Chaču žyć», Siarhiej Kuźmienka, choć i žyŭ u Rasii, mieŭ biełaruski pašpart.

Siarhiej Kuźmienka naradziŭsia 22 lipienia 1971 hoda. Jon słužyŭ u zvańni radavoha. U Biełarusi žyvie jaho 81-hadovaja maci Lidzija Kuźmienka.

Detali padpisańnia jaho kantraktu z rasijskaj armijaj nieviadomyja. U raniej apublikavanych śpisach biełarusaŭ, jakija vajujuć na baku Rasii, jaho proźvišča nie značyłasia.

Z ulikam Siarhieja Kuźmienki ciapier va ŭkrainskim pałonie znachodziacca 8 hramadzian Biełarusi. Raniej u pałon trapili: Ivan Šabuńka, Siarhiej Šustaŭ, Andrej Łapatnioŭ, Jaŭhien Kamiańkoŭ, Artur Jafremaŭ, Michaił Šałhun, Mikałaj Žuraŭloŭ.

Kamientary3

  • Nie fakt…
    04.06.2025
    Pa proźviščach.. jany rasiejanie chutčej čym biełarusy… jak moj dzied susied kazaŭ “navałač”…
    • Hh
      04.06.2025
      Nie fakt…, Alesia Puškina iz biełarusov iz-za familii tožie vypišieš?
  • Andruś
    04.06.2025
    A ŭ rasijskim pałonie - dvoje sapraŭdy biełarusaŭ, a nie prosta tych, chto "maje biełaruski pašpart". Heta - Jan "Trombli" Dziurbiejka i Siarhiej "Klešč" Dziohcieŭ. Prezident Ukrainy V. Zełenśki dva tydni tamu ad kiraŭnika arhanizacyi "Biełaruskaja supolnaść va Ukrainie" Alaksieja Franckieviča daviedaŭsia, što hetyja dvoje biełarusaŭ znachodziacca ŭ rasijskim pałonie z 26 červienia 2022 hoda. Paźniej, vidać, vyśvietliŭšy infarmacyju pra ich, jon zajaviŭ, što rasija nie choča addavać pałonnych biełarusaŭ.
    Mahčyma, Ukrainie maje sens nacisnuć na rasijcaŭ, kab kahości z hetych vaśmioch piarevaratniaŭ pryncypova pamianiać na pałonnych rasijaju biełarusaŭ?
 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary

Usie naviny →
Usie naviny

U Viciebsku abrynulisia siem haspadarčych pabudoŭ z-za padmyvańnia hruntu

Śmierć udovam. Archieołah raskazaŭ pra znachodku, jakaja śviedčyć pra žudasny zvyčaj pieršych słavian na Biełarusi31

Bum na matču pa ŭsim śviecie: popyt raście, zapasy źmianšajucca5

Piać parad, jak prosta pazbavicca ad pachu i plam potu na adzieńni3

Rasijanie try hadziny bili pa Charkavie KABami, balistykaj i šachiedami. Ździejśniena kambinavanaja ataka na Dniapro2

«Kupałaŭcy» anansavali pačatak novaha teatralnaha siezona1

Pasažyrka «nie ŭkłałasia ŭ tajminh» padčas sanitarnaha prypynku — mižnarodny aŭtobus pajechaŭ bieź jaje5

Staŭ viadomy los źbiehłych dzikabrazaŭ u Rečyckim rajonie2

Bieraściejec uvoziŭ u Polšču biarozavaje palena. Akazałasia, heta kostka mamanta2

bolš čytanych navin
bolš łajkanych navin

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary

Hałoŭnaje
Usie naviny →

Zaŭvaha:

 

 

 

 

Zakryć Paviedamić