Były kiraŭnik Minščyny Barys Batura pra restaran la Kurapat: Uvieś śviet taki. Žyćcio ž praciahvajecca
Imia byłoha staršyni Minskaha abłvykankama Barysa Batury ŭspłyło ŭ suviazi ź situacyjaj z adkryćciom restarana ŭ Kurapatach. Vyśvietliłasia, što jašče ŭ 2012 hodzie Hienieralnaja prakuratura sumiesna ź Ministerstvam kultury prapanoŭvała jamu spynić budaŭnictva tak zvanaha «Bulbaš-choła», jaki ciapier maje nazvu «Pajedziem pajadzim».
Tahačasny namieśnik hienieralnaha prakurora Mikałaj Kuklis dasyłaŭ na imia Batury pradstaŭleńnie, dzie pisaŭ ab parušeńniach pry budaŭnictvie, a taksama zaklikaŭ pakarać vinavatych i, mahčyma, navat spynić budaŭnictva. Adnak Batura hetaha nie zrabiŭ. U 2018 hodzie restaranny kompleks zapracavaŭ.
My datelefanavalisia da byłoha čynoŭnika, ale nadta šmat słovaŭ z Barysa Batury vyciahnuć nie atrymałasia.
«Ja nie pomniu. Ja nie pomniu absalutna. Moža być inšyja ludzi hetym zajmalisia, a nie ja. Moža, i byŭ taki zvarot ad hienprakuratury, ale ja hetym nie zajmaŭsia», — skazaŭ Batura.
«NN»: A vy sočycie za situacyjaj u Kurapatach siońnia?
BB: Dy nie… Ja ž ciapier piensijanier.
«NN»: I nie viedali, što vaša imia ciapier stali ŭspaminać u suviazi z hetaj historyjaj?
BB: Nie čuŭ [kaža pa-biełarusku — «NN»].
«NN»: Pra sam restaran pomnicie choć niešta?
BB: Dy daŭno heta było. Ščyra kažučy, i ŭspaminać nie chočacca.
«NN»: Jak vy staviciesia da Kurapataŭ? Što dumajecie pra hetaje miesca?
BB: Ja b zrabiŭ tam miemaryjał, kab narmalna było ŭsio.
«NN»: A toje, što pobač restaran, ničoha kiepskaha nie bačycie?
BB: Ja nie baču. A što bačyć? Uvieś śviet taki. Žyćcio ž praciahvajecca. A voś kompleks u samich Kurapatach treba niejki zrabić.
«NN»: Vy sami byvali ŭ Kurapatach?
BB: Byŭ, kaniečnie.
Ciapier čytajuć
«Stajać na svaim, kožny nakolki moža!» Vialikaja hutarka z Natallaj Dulinaj pra hopnikaŭ z HUBAZiKa, Kaleśnikavu i što tam u kaho ŭ kałonii9
Kamientary