Tolki što zajechali tyja, chto staŭ u čarhu 8 žniŭnia. Kolki ciapier treba čakać na miažy, kab trapić u Polšču na aŭto?
Čarha na miažy z Polščaj rekordnaja — bolš za 3200 mašyn.
Antyrekord u punkcie propusku «Brest» byŭ zafiksavany viečaram 13 žniŭnia. Vyjezdu ź Biełarusi ŭ Polšču ŭpieršyniu čakaje bolš za 3000 mašyn, i čarha tolki raście.
Pa stanie na 18 hadzin 14 žniŭnia ŭ adzinym dziejnym punkcie propusku dla pasažyrskaha ruchu na miažy z Polščaj u elektronnaj čarzie na vyjezd staić 3260 lehkavikoŭ.
Dniom 14 žniŭnia z zony čakańnia vyjazdžajuć mašyny, jakija zaniali čarhu viečaram 8 žniŭnia, to bok amal praz šeść sutak. I heta pry tym, što tady ŭ čarzie było kala 2600 mašyn. Atrymlivajecca, što ŭ siarednim za sutki čarha prasoŭvałasia prykładna na 450 mašyn.
U pryhraničnych čatach pišuć, što ciaham apošnich dvuch sutak chutkaść afarmleńnia źniziłasia, i za sutki z zony čakańnia vyjazdžaje ŭsiaho kala 320 lehkavikoŭ.
Atrymlivajecca, što tyja, chto ciapier zajmaje miesca ŭ elektronnaj čarzie, zmohuć trapić u Polšču tolki praz 7—8 sutak.
Vyraśli čerhi i na litoŭskim kirunku. U «Kamiennym Łozie» pa stanie na 18 hadzin vyjezdu čakaje 180 lehkavikoŭ, a ŭ «Bieniakoniach» — 130.
Nievialikaja čarha źjaviłasia i na łatvijskim kirunku, što byvaje vielmi redka, pakolki ŭ Łatviju nielha jeździć na aŭto ź biełaruskimi numarami.
Vyjezdu ź Biełarusi ŭ punkcie propusku «Hryharoŭščyna» čakajuć bolš za 30 aŭto.
-
«Biełaruś — najlepšaja kraina. Ale treba padrychtavacca». Mužčyna čyściŭ telefon, ale jaho ź siamjoj usio roŭna zatrymali na miažy
-
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
-
Taksistam zahadali terminova źniać usiu rekłamu kazino i bukmiekieraŭ z bartoŭ mašyn
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni13
«Nie spadabalisia pradukty na palicy — i pišuć tudy esemesku». MUS nazvała Threads pahrozaj biaśpiecy i zajaviła pra zatrymańni
«Viedajecie, Łukašenka nie prezident». Jany tak uśmichnulisia, kiŭnuli». Departavany z Hruzii Leŭ Michiejeŭ raskazaŭ, jak ź im abychodzilisia ŭ Armienii33
Kamientary