Aryštavany dyrektar Pałaca Respubliki, adzin z arhanizataraŭ Marafona adzinstva
Maksim Prychadoŭski hanaryŭsia być jabaćkam i łukašystam. Ciapier mužčyna — a jon jašče i deputat Minharsavieta — źnik z usich pracoŭnych miescaŭ.
Jak stała viadoma «Našaj Nivie», Maksima Prychadoŭskaha aryštavali za karupcyju. Chutčej za ŭsio, jon byŭ zatrymany 12 žniŭnia.
Pieršy namieśnik kiraŭnika Pałaca Respubliki Juryj Navumovič paćvierdziŭ «Našaj Nivie», što ciapier jon vykonvaje abaviazki dyrektara. Takaja patreba, pa jaho słovach, źjaviłasia, tamu što Prychadoŭski «ŭ adpačynku». Praŭda, kali jon vierniecca na pracu, namieśnik padkazać nie zmoh.
Pry hetym jašče adzin supracoŭnik Pałaca Respubliki — namieśnik pa techničnych pytańniach — mieŭ užo inšuju viersiju adsutnaści Prychadoŭskaha. «Jon na balničnym — vyjdzie ŭ paniadziełak», — paabiacaŭ Andrej Lebiedzieŭ, praz paru siekund zasumniavaŭšysia, što, «moža, Maksim Anatoljevič i nie vyjdzie».
Prychadoŭski taksama źjaŭlajecca deputatam Minskaha haradskoha savieta deputataŭ, ale pa telefonach, pa jakich zvyčajna da jaho možna było zapisacca na pryjom, nichto nie adkazvaje.
Jašče 11 žniŭnia mužčyna byŭ u efiry dziaržaŭnaha «Radyjo Minsk».
Prychadoŭski naradziŭsia ŭ 1980-m u Biarozie ŭ siamji daktaroŭ. Paśla škoły sprabavaŭ pastupić u vučelniu i instytut, ale nie prajšoŭ. Bałaŭ chapiła na daškolny fakultet u Bresckim piedahahičnym univiersitecie, dzie jon atrymaŭ dypłom mietadysta i dziciačaha psichołaha. Paśla hetaha pracavaŭ lifcioram u balnicy, potym — kancertnym dyrektaram šansańje-artysta. Dyrektaram Pałaca Respubliki Prychadoŭski staŭ u 2020 hodzie, da hetaha adpracavaŭšy šmat hadoŭ śpiecyjalistam kancertnaha adździeła.
U ścienach Pałaca Respubliki naradziŭsia «Marafon adzinstva», jaki kuryravała niaviestka Łukašenki Hanna Siałuk.
«Pałac Respubliki byŭ adnym z arhanizataraŭ «Marafona adzinstva». «Marafon adzinstva» — heta ŭvohule asablivaja historyja ŭ žyćci našaj krainy. A dla Pałaca Respubliki heta asablivaja historyja ŭdvaja. Taja vialikaja tvorčaja praca, jakaja była zroblena sumiesna ź vialikaj kolkaściu ludziej. Viadoma ž, my razam z Hannaj Siarhiejeŭnaj Łukašenkaj prarabili vielizarnuju pracu. Jana była kiraŭnikom pracoŭnaj hrupy. My adjeździli ŭsie harady ź vialikaj kolkaściu kancertaŭ. Pakazali ŭ razrezie ŭsich słajoŭ nasielnictva — ad dziaciej da ludziej pažyłoha ŭzrostu — nakolki adzinaja naša kraina», — raskazvaŭ Prychadoŭski.
Za «Marafon» Łukašenka ŭznaharodziŭ dyrektara Pałaca Respubliki miedalom «Za pracoŭnyja zasłuhi».
Prychadoŭski zajaŭlaŭ u svoj čas, što hanarycca być «jabaćkam» i «łukašystam».
Doma ŭ aryštavanaha dyrektara zastalisia žonka i piacihadovaja dačka.
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata16
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1313
Kamientary