Biełaruś hatova sadziejničać pašyreńniu napramkaŭ supracoŭnictva ŭ Vialikaj Jeŭrazii. Pra heta Alaksandr Łukašenka zajaviŭ siońnia na pasiadžeńni Savieta kiraŭnikoŭ dziaržaŭ Šanchajskaj arhanizacyi supracoŭnictva (ŠAS) ŭ Cindaa. Tekst vystupleńnia apublikavany na sajcie kiraŭnika dziaržavy.
Kiraŭnik dziaržavy adznačyŭ, što va ŭmovach ciapierašnich hłabalnych hieapalityčnych i ekanamičnych transfarmacyj supiarečnaści pamiž dziaržavami nabyvajuć usio bolš vostruju formu.
Niavyznačanaść stała novaj «narmalnaściu».
«Varožaść i kanfrantacyja viaduć da rostu napružanaści, uźnikaje niebiaśpieka surjoznych kanfliktaŭ ź niepradkazalnymi nastupstvami. U hetych abstavinach Biełaruś bačyć u ŠAS arhanizacyju, jakaja pavinna ŭnieści svoj važki ŭkład u zabieśpiačeńnie šmatbakovaj biaśpieki, abaronu mižnarodnych normaŭ i praviłaŭ, pieramohu zdarovaha sensu ŭ miždziaržaŭnych adnosinach», — skazaŭ Alaksandr Łukašenka.
Jon źviarnuŭ uvahu, što na fonie novych chvalaŭ pratekcyjanizmu ŭ suśvietnym handli, jakija prama ci ŭskosna zakranajuć praktyčna ŭsie dziaržavy, jakija ŭdzielničajuć u samicie, uźnikaje pramaja pahroza ŭciahvańnia ŭ handlovyja vojny.
«Tamu dla ŭsich nas vielmi aktualnym źjaŭlajecca pryniaćcie sumiesnych mier, nakiravanych na ŭmacavańnie suśvietnaj handlovaj sistemy šlacham vykarystańnia mahčymaściaŭ Šanchajskaj arhanizacyi supracoŭnictva ŭ ekanamičnaj śfiery», — ličyć biełaruski lidar.
Kiraŭnik dziaržavy padkreśliŭ, što mienavita praktyčnaja ekanamičnaja kaapieracyja krain — členaŭ ŠAS ź dziaržavami-naziralnikami i partniorami, efiektyŭnaje vykarystańnie ich tranzitnych i łahistyčnych mahčymaściaŭ moža stać adnym ź pierśpiektyŭnych napramkaŭ raźvićcia arhanizacyi.
«Na hetym šlachu ŭ ramkach płana sumiesnych dziejańniaŭ užo zrobleny pieršy važny krok pa stykoŭcy nacyjanalnych stratehij raźvićcia, a taksama pa spałučeńni JEAES ź inicyjatyvaj «Pojasa i šlachu».
Biełaruś jak kraina-inicyjatar i prychilnik idei «intehracyi intehracyj» hatova sadziejničać vyznačeńniu novych ahulnych pohladaŭ i pašyreńniu napramkaŭ supracoŭnictva ŭ Vialikaj Jeŭrazii», — zajaviŭ Łukašenka.
Pavodle słoŭ Alaksandra Łukašenki, u krainie hetym metam ŭ poŭnaj miery adpaviadaje realizacyja prajekta Kitajska-biełaruskaha industryjalnaha parka «Vialiki kamień», za jakim niezdarma zamacavałasia nazva «žamčužyna Šaŭkovaha šlachu».
Paśpiachovaje raźvićcio parku pryciahvaje da jaho ŭsio bolšuju ŭvahu zamiežnych kampanij z usiaho śvietu, asabliva z krain Jeŭrapiejskaha sajuza.
Alaksandr Łukašenka prapanavaŭ zadziejničać mahčymaści Biełarusi dla ŭmacavańnia charčovaj biaśpieki ŠAS.
«Biełaruś — kraina z tradycyjna mocnym i efektyŭnym ahrarnym siektaram, vysokatechnałahičnymi vytvorčaściu i sielskahaspadarčym mašynabudavańniem. Prapanujem zadziejničać mahčymaści našaj dziaržavy pa pastaŭkach pradukcyi ŭsich hetych halin dla ŭmacavańnia charčovaj biaśpieki ŠAS», — skazaŭ Alaksandr Łukašenka.
Jon źviarnuŭ uvahu, što paśla ŭstupleńnia ŭ 2017 hodzie Indyi i Pakistana ŭ Šanchajskuju arhanizacyju supracoŭnictva jaje prastora pašyryłasia praktyčna da čverci terytoryi ziamnoj sušy, na jakoj pražyvaje amal pałova nasielnictva śvietu. U hetych umovach paŭnavartasnaja zabiaśpiečanaść charčavańniem źjaŭlajecca najvažniejšym faktaram dalejšaha roskvitu ŠAS i ŭmacavańnia biaśpieki ŭ hetym vialikim rehijonie.
«Staršynia KNR, prezident Pucin, usie kiraŭniki dziaržaŭ tut vielmi pravilna kazali pra biaśpieku, pra stabilnaść našaj arhanizacyi. Ale jaje nikoli nie budzie, kali ludzi elemientarna nie buduć nakormlenyja i apranutyja», — zaŭvažyŭ biełaruski lidar.
Alaksandr Łukašenka taksama prapanavaŭ stvaryć śpiecyjalizavanuju ekspazicyju «AhraŠOS» na mižnarodnym forumie ahraryjaŭ «Biełahra», jaki štohod prachodzić u Minsku. Jon zaprasiŭ paŭdzielničać u joj u 2019 hodzie ŭsich siabroŭ i partnioraŭ pa arhanizacyi.
Łukašenka źviarnuŭ uvahu, što sučasnyja tempy raźvićcia technałohij niasuć u sabie jak novyja mahčymaści, tak i novyja pahrozy i vykliki. Ni adna dziaržava nie moža sabie dazvolić prosta začynicca ci niešta zabaranić u hetaj śfiery.
«Prapanuju ŭsim nam sumiesna padumać nad stvareńniem ahulnaj elektronnaj płatformy, skažam, «IT-ekasistemy ŠOS», jakaja abjadnaje ŭ sabie mahčymaści elektronnych ŚMI, sacyjalnych sietak, elektronnaha handlu i šmat čaho inšaha», — skazaŭ kiraŭnik dziaržavy.
Pavodle jaho słoŭ, heta daść mahčymaść uzmacnić kaapieracyju, pavysić kankurentazdolnaść nacyjanalnych ekanomik va ŭmovach hłabalnaha śvietu. «A taksama dapamoža nam zabiaśpiečyć biaśpieku našych krain», — adznačyŭ Alaksandr Łukašenka.
Jon taksama ličyć, što raźvićcio supracoŭnictva ŭ pytańniach umacavańnia jadziernaj biaśpieki, mirnaha vykarystańnia atama i daśledavańniaŭ u hetaj śfiery moža stać adnym z napramkaŭ, jakija ŭjaŭlajuć značnuju uzajemnuju cikavaść dla krain ŠAS.
Ciapier čytajuć
Połk Kalinoŭskaha paviedamiŭ pra hibiel troch bajcoŭ6
Kamientary