Lidar KNDR Kim Čen Yn prybyŭ u Sinhapur, aficyjna paćvierdziŭ u niadzielu kiraŭnik MZS krainy Vivian Bałakryšnan, pieradaje TASS.
Bałakryšnan taksama apublikavaŭ fota sustrečy ź lideram KNDR, na jakim jany cisnuć adzin adnamu ruki.
Welcomed Chairman Kim Jong Un, who has just arrived in Singapore. pic.twitter.com/ZLK4ouIejx
Kartež lidara KNDR užo prybyŭ da haścinicy St. Regis, dzie jon budzie pražyvać padčas svajho znachodžańnia ŭ Sinhapury. Kim Čen Yna supravadžajuć bolš za 20 matacyklistaŭ i stolki ž dypłamatyčnych i palicejskich aŭtamabilaŭ.
Niezadoŭha da hetaha aŭtobus, jak miarkujecca, z asabistaj achovaj Kim Čen Yna prybyŭ u toj ža hatel.
Lidar KNDR jechaŭ pa Sinhapury na ŭłasnym braniavanym Mercedes S600 Pullman. U sakaviku hety ž aŭtamabil vykarystoŭvaŭsia padčas vizitu ŭ Piekin. Kim Čen Yn taksama vykarystaŭ hetuju mašynu padčas mižkarejskaha samitu ŭ kancy krasavika.
Raniej paŭdniovakarejskaje ahienctva Yonhap paviedamiła, što Kim Čen Yn vylecieŭ z Pchieńjana ŭ Sinhapur na samalocie kitajskaj avijakampanii.
10 červienia Kim Čen Yn maje sustrecca z premjer-ministram Li Siań Łunam.
Ułady Sinhapura vydatkavali na arhanizacyju samitu kala 20 młn sinhapurskich dalaraŭ ($14,9 młn).
Jak zajaviŭ u niadzielu Li Siań Łun, heta mierapryjemstva dazvolić umacavać pazicyi krainy na mižnarodnaj arenie.
«Što tyčycca pramoha efiektu, to jon (samit) daje nam viadomaść», — skazaŭ jon.
Havoračy ab vydatkach, Li Siań Łun zajaviŭ, što, na jaho dumku, jany varty taho. «My hatovyja zapłacić za samit, heta naš ŭkład u mižnarodnaje pradpryjemstva, u jakim naš bok vielmi zacikaŭleny», — reziumavaŭ premjer-ministr Sinhapura.
Tramp prylacić u Sinhapur viečaram u niadzielu.
Kamientary