Лідар КНДР Кім Чэн Ын прыбыў у Сінгапур, афіцыйна пацвердзіў у нядзелю кіраўнік МЗС краіны Вівіан Балакрышнан, перадае ТАСС.
Балакрышнан таксама апублікаваў фота сустрэчы з лідэрам КНДР, на якім яны ціснуць адзін аднаму рукі.
Welcomed Chairman Kim Jong Un, who has just arrived in Singapore. pic.twitter.com/ZLK4ouIejx
Картэж лідара КНДР ужо прыбыў да гасцініцы St. Regis, дзе ён будзе пражываць падчас свайго знаходжання ў Сінгапуры. Кім Чэн Ына суправаджаюць больш за 20 матацыклістаў і столькі ж дыпламатычных і паліцэйскіх аўтамабіляў.
Незадоўга да гэтага аўтобус, як мяркуецца, з асабістай аховай Кім Чэн Ына прыбыў у той жа гатэль.
Лідар КНДР ехаў па Сінгапуры на ўласным браняваным Mercedes S600 Pullman. У сакавіку гэты ж аўтамабіль выкарыстоўваўся падчас візіту ў Пекін. Кім Чэн Ын таксама выкарыстаў гэтую машыну падчас міжкарэйскага саміту ў канцы красавіка.
Раней паўднёвакарэйскае агенцтва Yonhap паведаміла, што Кім Чэн Ын вылецеў з Пхеньяна ў Сінгапур на самалёце кітайскай авіякампаніі.
10 чэрвеня Кім Чэн Ын мае сустрэцца з прэм'ер-міністрам Лі Сянь Лунам.
Улады Сінгапура выдаткавалі на арганізацыю саміту каля 20 млн сінгапурскіх даляраў ($14,9 млн).
Як заявіў у нядзелю Лі Сянь Лун, гэта мерапрыемства дазволіць умацаваць пазіцыі краіны на міжнароднай арэне.
«Што тычыцца прамога эфекту, то ён (саміт) дае нам вядомасць», — сказаў ён.
Гаворачы аб выдатках, Лі Сянь Лун заявіў, што, на яго думку, яны варты таго. «Мы гатовыя заплаціць за саміт, гэта наш ўклад у міжнароднае прадпрыемства, у якім наш бок вельмі зацікаўлены», — рэзюмаваў прэм'ер-міністр Сінгапура.
Трамп прыляціць у Сінгапур вечарам у нядзелю.
Таццяна Заміроўская першы раз за 11 гадоў вярнулася з ЗША ў Еўропу. Многія манеры, звычкі і нават птушкі, якіх мы не прыкмячаем, выклікалі ў яе буру ўспамінаў33
Каментары