U centry Bresta praciahvajucca pratesty suprać budaŭnictva zavoda śvincovych akumulatarnych batarej FOTA
Ranicaj 10 červienia ŭ centry Bresta źjaviŭsia prynt suprać budaŭnictva akumulatarnaha zavoda, pieradaje Biełsat.
A dniom kala 50 praciŭnikaŭ budaŭnictva akumulatarnaha zavoda sabralisia na bresckaj płoščy Lenina. Jak i na papiarednich sustrečach, jakija abyvajucca kožnuju niadzielu z 25 lutaha, ludzi nie razhortvali płakaty i transparanty. Jany stajali hrupami i karmili hałuboŭ.
Baraćba bresckich aktyvistaŭ za prava žyć i dychać śviežym pavietram viadziecca ŭžo 6 miesiacaŭ. Pakul nie dapamahli spynić budaŭnictva ni 40 tysiač podpisaŭ bieraściejcaŭ u administracyju Łukašenki, ni šmatrazovyja sustrečy z uładami, ni akcyi pratestu, ni navat sudy.
Adkaz uładaŭ zaŭsiody adnolkavy: ŭździejańnie pradpryjemstva na navakolnaje asiarodździe budzie niaznačnym. A adzin z hałoŭnych arhumientaŭ čynoŭnikaŭ — 180 pracoŭnych miescaŭ i $4,5 miljona pastupleńniaŭ u biudžet štohod.
Padradčyk budaŭnictva na pramysłovaj placoŭcy «Aeraport» u svabodnaj ekanamičnaj zonie «Brest» — kitajskaje TAA «Ańchojskaja źniešnieekanamičnaja budaŭničaja karparacyja». Na zavodzie płanujuć naładzić poŭny cykł vytvorčaści śvincova-kisłotnych akumulatarnych batarej.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam15
Kamientary