Uładalniki pryvatnych zapravak patrabujuć padniać ceny na paliva i pahražajuć zvalnieńniami rabotnikaŭ

Uładalniki siami sietak AZS prosiać ułady zrabić «terminovyja zachady» pa palapšeńni finansava-ekanamičnych umoŭ pracy, abmiežavać rost taryfaŭ na tavary i pasłuhi arhanizacyj z manapolnym stanoviščam. Heta vynikaje sa zvarotu apierataraŭ najbujniejšych zapravak Biełarusi ŭ adras dziaržorhanaŭ (jość u rasparadžeńni redakcyi).

Dakumient padpisali kiraŭniki «Łukojł-Biełaruś» (brend AZS «Łukojł»), «RN-Zachad» («Słavniefť»), «Junajted Kompani», «NaftaChimTrejdynh» («Trajpł»), «Astatrejdynh» (A-100), «Hazpramnafta-Biełnaftapradukt» («Hazprom nafta») i «Tatbiełnaftapradukt» («Tatnafta»). Heta značyć zakłapočanaść vykazali ŭsie najbujniejšyja apieratary, pa-za vyklučeńniem padkantrolnaj dziaržavie «Biełarusnafty».

U liście havorycca, što pačynajučy sa studzienia 2015 hoda maržynalny dachod pradpryjemstvaŭ ad roźničnaha handlu palivam praktyčna nie źmianiŭsia, što abumoŭlena jaho pramoj zaležnaściu ad cany realizacyi, jakaja rehulujecca «Biełnaftachimam». Pry hetym vydatki pa asnoŭnych artykułach pavialičylisia. Płata za elektraenierhiju pavysiłasia na 53%, vodazabieśpiačeńnie — na 31%, haz dla aciapleńnia - na 30%, arendnaja płata za ziamlu i ziamielny padatak pavialičylisia na 58-78%, pasłuhi MUS pa achoŭnaj dziejnaści - na 40%.

Akramia taho, pavieličeńnie absalutnaj roźničnaj cany na paliva pryviało da rostu vydatkaŭ na bankaŭskija pasłuhi (inkasacyju, ekvajrynh) na 13%. Rost kursu dalara (na 68%) zabiaśpiečyŭ rost koštaŭ na abstalavańnie i kamplektujučyja ŭ praparcyjnych suadnosinach.

Takim čynam, uładalniki AZS vymušanyja kanstatavać toj fakt, što «rost vydatkaŭ pry pastajannym maržynalnym dachodzie nosić praciahły sistemny charaktar», što ŭžo pryviało da admoŭnych finansavych vynikaŭ i, jak śledstva, da spynieńnia novych inviestycyj u biznes, źnižeńnia finansavańnia ŭ asnoŭnyja fondy. Kampanii vymušany razhladać «pytańnie skaračeńnia pracoŭnych miescaŭ, što pryviadzie da rostu kaeficyjentu napružanaści na rynku pracy, da pavieličeńnia kolkaści biespracoŭnych».

«Nazirajecca pastajannaje pavyšeńnie kamisij transnacyjanalnych kampanij Visa i Mastercard, pavieličeńnie bankami Biełarusi koštu ekvajrynhu, što pryvodzić da adsutnaści cikavaści ŭ pradpryjemstvaŭ raźvivać i ŭkaraniać sučasnyja technałohii apłaty, jakija ŭžyvajucca ŭ mižnarodnym farmacie», havorycca ŭ liście.

Admoŭnyja finansavyja vyniki pracy uładalnikaŭ sietki AZS pryvodziać da prablem kredytavańnia ŭ bankach, jakija «padkreślivajuć praciahłaść isnujučych prablem», adsutnaści krynic dla praviadzieńnia indeksacyi zarobkaŭ supracoŭnikaŭ, što «pryvodzić da rostu napružanaści ŭ pracoŭnych kalektyvach i adstavańniu ad metavaha ŭzroŭniu zarpłaty ŭ 1000 rubloŭ».

Aŭtary zvarotu taksama padkreślivajuć, što maržynalny dachod pradpryjemstvaŭ prykmietna mienšy, čym u kaleh u Rasii, Ukrainie i krainach Bałtyi, dzie «kankurencyja minimizavała dachodnaść hulcoŭ rynka».

Niadaŭniaje dyrektyŭnaje «źnižeńnie roźničnych cen na dyzpaliva biez karekciroŭki cenaŭ franka-stancyi» taksama pryviało da paharšeńnia finansavych vynikaŭ pradpryjemstvaŭ.

U ciapierašni čas urad Biełarusi adpracoŭvaje miechanizm źmieny roźničnych cen pavodle ŭzroŭniu cany na naftu, paviedamiŭ 31 maja staršynia kancerna «Biełnaftachim» Ihar Lašenka. Jon kanstatavaŭ, što ŭ suviazi z rostam cany nafty pavyšeńnie cen na paliva niepaźbiežna. Raniej staršynia «Biełnaftachimu» adznačaŭ, što pry košcie nafty 80 dalaraŭ za baral bienzin pavinien padaražeć na 24%. Pry hetym ułady nie chacieli dapuścić pieratoku paliva z pamiežnych rasijskich rehijonaŭ, tamu jany imknulisia trymać košt naftapraduktaŭ na rasijskim uzroŭni.

• 0
• 0
• 0
• 0
• 0
• 0
• 0
• 0