U Rasii patrabujuć dałučyć rasijskich historykaŭ da raspracoŭki kursa «Historyja biełaruskaj dziaržaŭnaści»
Rasijskaje čarnasociennaje vydańnie EurAsia Daily źviarnuła ŭvahu na mahčymaje źjaŭleńnie ŭ biełaruskich VNU novaha kursa — «Historyja biełaruskaj dziaržaŭnaści». Čarnasociency krytykujuć jak Ihara Marzaluka, jaki raspavioŭ žurnalistam pra novuju dyscyplinu, tak i inšych biełaruskich čynoŭnikaŭ i historykaŭ, jakija buduć raspracoŭvać novy śpieckurs nibyta ŭ ramkach nacyjanalistyčnaha paradku dnia.
Čytajcie taksama:
Historyju Biełarusi va ŭniviersitetach zamieniać kursam «Historyja biełaruskaj dziaržaŭnaści». Što heta značyć?
EurAsia Daily nie razumieje, navošta biełaruskim čynoŭnikam spatrebiŭsia novy kurs, bo ŭžo daŭno isnuje dyscyplina «Asnovy ideałohii biełaruskaj dziaržavy». Navat hety kurs čarnasociency ličać «nacyjanalistyčnym».
Nie spadabalisia rasijskamu vydańniu i aŭtary, jakija buduć pracavać nad novym kursam:
«Kachanoŭski i Bryhadzin — viadomyja ŭ asiarodździ biełaruskich historykaŭ piersony. Pry ich niepasrednym udziele histfak BDU staŭ kuźniaj kadraŭ dla nacyjanał-radykałaŭ, i vykładańnie historyi ŭ navučalnych ustanovach respubliki ŭziali ŭ svaje ruki nacyjanalisty».
EurAsia Daily miarkuje, što da abmierkavańnia prahramy novaha kursa varta było b dałučyć rasijskich historykaŭ, tamu što ŭ Biełarusi i Rasii isnuje «sajuznaja dziaržava».
Aŭtar baicca, što novuju dyscyplinu mohuć uziać na ŭzbrajeńnie vajaŭničyja nacyjanalisty, jakija «paśladoŭna źniščajuć ahulnaruskuju śviadomaść u Biełarusi» i pierafarmatoŭvajuć hramadskuju śviadomaść.
Jašče EurAsia Daily baicca, što ŭ novym kursie biełaruskaja dziaržaŭnaść budzie traktavacca jak «niaruskaja».
Vydańnie ličyć, što Rasija — impierskaja abo savieckaja, — źjaŭlajecca adzinaj histaryčnaj formaj biełaruskaj dziaržaŭnaści: «Mienavita ŭ Rasii biełarusy byli ŭ svajoj dziaržavie i mahli realizavać siabie praz udzieł u vialikich prajektach».
U Biełarusi pierad vybarami mohuć błakavać internet — jak da hetaha padrychtavacca, kab być na suviazi1
Kamientary