Kožnaja treciaja brytanka raspaviała pra hrubyja zalacańni na miascovych muzyčnych fiestyvalach
Kožnaja treciaja naviedvalnica anhielskich muzyčnych fiestyvalaŭ pieražyvała seksualnyja damahańni abo navat hvałt, piša NME sa spasyłkaj na sacyjałahičnaje apytańnie, praviedzienaje Asacyjacyjaj presy 4—6 červienia siarod amal 3,5 tys. žycharoŭ Vialikabrytanii, starejšych za 18 hadoŭ.
Pa vynikach apytańnia, 22% usich naviedvalnikaŭ fiestyvalaŭ abodvuch pałoŭ padviarhalisia charasmientu (30% naviedvalnic, ź jakich 43% — maładziejšyja za 30 hadoŭ). Asnoŭnaj formaj damahańniaŭ, ź jakoj sutykalisia žančyny, stali niedarečnyja słovy i «brudnyja tancy» z seksualnym padtekstam.
Pry hetym kala 70% žančyn navat nie viedali parušalnika asabistaj prastory ŭ tvar, i tolki 1% apytanych paviedamlaŭ pra hvałt z boku supracoŭnikaŭ fiestyvalu.
«My nie bačyli nijakich inšych bolš dakładnych statystyk pa hetaj temie, — kaža Trejsi Vajs, arhanizatar ruchu Safe Gigs for Women. — Zaraz u nas jość źviestki, jakija my možam pakazać arhanizataram fiestyvalaŭ».
Kamientary