Zbornaja Charvatyi achviaruje dzieciam 23 miljony jeŭra pryzavych za ČS-2018
Hałoŭny trenier zbornaj Charvatyi Złatka Dalič napisaŭ adkryty list, u jakim paviedamiŭ, što ŭsie pryzavyja za ČS-2018, kala 23 miljonaŭ jeŭra, kamanda addaść dzieciam, a taksama raskrytykavaŭ charvackich palitykaŭ.
«Ja pišu heta z-za składanaj situacyi ŭ Charvatyi. Siońnia Charvatyja źjaŭlajecca samaj biednaj krainaj u Jeŭrapiejskim sajuzie. Krainaj kirujuć ludzi, jakija majuć dačynieńnie da arhanizavanaj złačynnaści.
Miljony ludziej źjechali z Charvatyi za apošnija 20 hadoŭ. Siońnia našy piensijaniery nie mohuć zadavolić bazavyja patreby, moładź nie moža dazvolić sabie navučańnie, sistema achovy zdaroŭja burycca, a karumpavanaja sudovaja sistema abaraniaje vialikija kapitały.
Ja prašu palitykaŭ i pradstaŭnikoŭ uładaŭ, jakija daviali ludziej da adčaju i halečy, trymacca dalej ad zbornaj Charvatyi. Vam nie rady ŭ našaj raspranalni, my nie chočam fatahrafavacca i vieści spravy z vami.
U krainie jość dzieci, jakija nikoli nie bačyli mora, choć Charvatyja maje bolš za tysiaču kiłamietraŭ bierahavoj linii. U nas jość dzieci, jakim niama čaho jość, bo ich biespracoŭnym baćkam niama čaho pryhatavać na abied.
Usia kamanda achviaruje pryzavyja ad ČS-2018 u admysłovy fond charvackim dzieciam. Hety fond prafinansuje letnija vakacyi dziaciej, jakija nikoli nie bačyli Adryjatyčnaha mora.
Charvackija dzieci atrymajuć mahčymaść pravieści prynamsi siem dzion na charvackim uźbiarežžy. Heta mienšaje, što my možam zrabić», — havorycca ŭ liście.
Tolki žminda i lanivy nie padtrymlivaje «Nivy»! Vy možacie za chvilinu padtrymać «NN» padachodnym, nie patraciŭšy ni kapiejki svaich5
Kamientary