Prapanoŭvała «seks u abmien na pasadu». U ZŠA apublikavali abvinavačvańnie suprać mierkavanaj rasijskaj ahientki

Rasiejskaja hramadzianka Maryja Bucina, zatrymanaja pa abvinavačvańni ŭ niezakonnaj sprobie paŭpłyvać na amerykanskich palitykaŭ u intaresach Rasiei, vykarystoŭvała seksualnyja suviazi dla dasiahnieńnia svaich metaŭ, havorycca ŭ dakumencie, jaki pastupiŭ u sud akruhi Kałambija, piša Radyjo Svaboda.

Dla ŭkaranieńnia ŭ arhanizacyi i dla znajomstva z upłyvovymi palitykami rasiejka vykarystała asabistyja adnosiny, havorycca ŭ materyjałach raśśledavańnia.

«U chodzie raśśledavańnia FBR vyznačyła, što Bucina atrymała dostup da šyrokaha koła ludziej u ZŠA, jakija mohuć upłyvać na palityčnuju dziejnaść praz «Asobu 1 ″. 29-hadovaja Bucina i 56-hadovaja «Asoba 1″ miarkujecca, byli sužycielami i byli ŭciahnutyja ŭ asabistyja adnosiny padčas dziejańniaŭ Bucinaj u ZŠA», — napisana ŭ dakumencie prakuratury.

Sama Bucina nie razhladała hetyja adnosiny surjozna, a ŭsprymała ich jak nieabchodnuju častku svajoj dziejnaści, miarkujuć śledčyja.

according to US prosecutors, Butina used sex as a tool to try and infiltrate an unnamed organization. pic.twitter.com/1izj0CLQ7d

— Mike Eckel (@Mike_Eckel) 18 ijula 2018 h.

«Prynamsi adzin raz Bucina prapanavała inšamu čałavieku, nie «Asobie 1», seks u abmien na pasadu ŭ arhanizacyi, jakaja jaje cikaviła. Akramia taho, u kanfiskavanych FBR dakumentach Bucina skardziłasia na žyćcio z «Asobaj 1» i z pahardaj pisała ab dalejšym sužyćci z «Asobaj 1».

U dakumentach, padadzienych u sud «Asoba 1» nie raskryvajecca. Žurnalisty The Washington Post ličać, što apisańnie hetaha čałavieka supadaje z Połam Eryksanam, respublikanskim funkcyjaneram z Paŭdniovaj Dakoty. Jon byŭ dobra viadomy ŭ Respublikanskaj partyi paśla pracy na prezydenckuju kampaniju Peta Bjukenana ŭ 1992 hodzie. U krasaviku Bucina raspaviadała pra svoj raman z funkcyjaneram pierad kamitetam pa vyviedcy Senatu, raspaviali hazecie ludzi, znajomyja ź jaje pakazańniami.

Eryksanu nie pradjaŭlena nijakich abvinavačvańniaŭ, jon nie adkazaŭ na prośby žurnalistaŭ ab kamentary.

Ministerstva justycyi ZŠA 18 červienia źviarnułasia ŭ federalny sud z prośbaj zatrymać Bucinu da sudovaha razboru. Pavodle ministerstva, jana moža źbiehčy i, chutčej za ŭsio, źvierniecca da ŭradu Rasiei z prośbaj dapamahčy joj pakinuć ZŠA.

Ministerstva justycyi zajaviła, što Bucina padtrymlivaje kantakty z rasiejskimi vyviednikami i zachoŭvaje kantaktnuju infarmacyju niekalkich rasiejskich aficeraŭ.

Raniej žury prysiažnych vystaviła suprać Bucinaj abvinavačańni ŭ dziejnaści ŭ jakaści zamiežnaha ahienta biez rehistracyi i zmovie z metaj raboty zamiežnym ahientam. Maksymalnaje pakarańnie pavodle hetych abvinavačańniaŭ — dziesiać i piać hadoŭ pazbaŭleńnia voli adpaviedna.

Jak paviedamiła Ministerstva justycyi ZŠA, Bucina była zatrymanaja 15 lipienia. Na sajcie viedamstva, u pryvatnaści, paviedamlajecca, što z pačatku 2015 hodu i da lutaha 2017 hodu Bucina pracavała pad kiraŭnictvam vysokapastaŭlenaha rasiejskaha čynoŭnika, byłoha deputata parlamentu, jaki ŭ krasaviku byŭ uklučany ŭ sankcyjny śpis Ministerstva finansaŭ ZŠA.

U Vašynhtonie ličać, što zadačaj Bucinaj było praniknieńnie ŭ arhanizacyi, jakija majuć upłyŭ na amerykanskuju palityku, kab praź ich prasoŭvać rasiejskija intaresy. Tak, pavodle źviestak The New York Times, Bucina ŭ 2016 hodzie sprabavała zładzić tajemnuju sustreču prezydenta Rasiei Ŭładzimira Pucina z kandydatam u prezydenty Donaldam Trampam. U hazetnaj publikacyi, datavanaj 17 listapada 2017 hodu, nazvanaje imia namieśnika staršyni Banku Rasiei, byłoha člena Savietu Federacyi Alaksandra Toršyna.

Maryja Bucina ŭvachodzić u praŭleńnie rasiejskaj arhanizacyi «Pravo na oružije». Pavodle versii abvinavačańnia, jana pracavała ŭ intaresach Toršyna, imknučysia pravodzić intaresy Rasiei praz Nacyjanalnuju strałkovuju asacyjacyju, jakaja maje vialiki ŭpłyŭ na amerykanskuju palityku.

Advakat rasiejki Robert Dryskał abvierhnuŭ usie abvinavačańni na jaje adras. Pavodle jaho, Bucina dobraachvotna dała pakazańni ŭ specyjalnym kamitecie ŭ pytańniach vyviedki Senatu ZŠA i pieradała «tysiačy» dakumentaŭ, paviedamlaje «RIA Novosti».

5 faktaŭ pra Maryju Bucinu:

Naradziłasia ŭ Ałtajskim krai Rasiei ŭ 1988 hodzie. Jaje baćka — biznesoviec, jaki zajmaŭsia vyrabam mebli. Paśla zakančeńnia Ałtajskaha dziaržaŭnaha ŭniversytetu ŭ Barnaule, dzie jana vyvučała palitalohiju, Bucina niejki čas zajmałasia handlem meblaj i navat mieła niekalki meblevych kramaŭ.

Pierajechaŭšy ŭ Maskvu ŭ 2011 hodzie, Bucina niejki čas była aktyvistkaj praŭładnaj moładzievaj arhanizacyi «Mołodaja Hvardija Jedinoj Rośsii» i pamočnicaj člena Savietu Federacyi Alaksandra Toršyna.

Z 2011 hodu Bucina stała zasnavalnicaj hramadzkaj arhanizacyi «Pravo na oružije», jakaja vystupaje za źmiakčeńnie rasiejskaha zakanadaŭstva ŭ halinie našeńnia ahniastrelnaj zbroi. Čalcom hetaha ruchu źjaŭlaŭsia i Toršyn. Jak piša brytanskaje vydańnie The Guardian, u 2015 hodzie arhanizacyja Bucinaj apłaciła pajezdku ŭ Mackvu dla ŭpłyvovych pradstaŭnikoŭ amerykanskaj Nacyjanalnaj strałkovaj asacyjacyi (NSA) — arhanizacyi, jakaja abjadnoŭvaje prychilnikaŭ prava hramadzian na našeńnie ahniastrelnaj zbroi. Siarod inšaha, amerykanskim haściam arhanizavali sustreču z rasiejskim vice-premjeram Dźmitryjem Rahozinym.

U 2014 hodzie ŭ rasiejskim vydańni GQ vyjšaŭ materyjał pra Bucinu, dzie jana zdymałasia sa zbrojaj u modnym adzieńni.

Bucina brała ŭdzieł ŭ sustrečy Toršyna i Donalda Trampa-małodšaha ŭ traŭni 2016 hodu padčas štohadovaha źjezdu NSA ŭ štacie Kientaki. Jak piša amerykanskaje vydańnie The New York Times, pradstaŭniki Kanhresu padčas raśśledavańnia atrymali fotazdymak sustrečy.

• 0
• 0
• 0
• 0
• 0
• 0
• 0
• 0