Prezident Rasii Uładzimir Pucin pry razmovie ŭ farmacie «tet-a-tet» z Donaldam Trampam u Chielsinki prapanavaŭ jamu pravieści na terytoryi Danbasa refierendum.
Pra heta rasijski palityk raspavioŭ dypłamatam padčas zakrytaj sustrečy z aficyjnymi asobami ŭ budynku rasijskaha MZS u Maskvie, paviedamlaje Bloomberg sa spasyłkaj na dvuch surazmoŭcaŭ, jakija prysutničali na hetym mierapryjemstvie.
Prapanova Pucina, jak skazali krynicy ahienctva, budzie tyčycca pytańnia ab statusie samaabvieščanych Danieckaj i Łuhanskaj narodnych respublik (DNR i ŁNR). Kab žychary hetych rehijonaŭ zmahli svabodna vykazać svoj punkt hledžańnia z hetaj nahody, arhanizacyja hałasavańnia pavinna ažyćciaŭlacca pad ehidaj mižnarodnaj supolnaści, adznačaje Bloomberg.
Nie abmiarkoŭvać hetuju inicyjatyvu padčas vynikovaj pres-kanfierencyi ŭ Chielsinki Pucina, pa infarmacyi adnaho z krynic ahienctva, paprasiŭ Tramp. Heta, jak pakazvaje krynica Bloomberg, było nieabchodna, kab dać prezidentu ZŠA čas «abdumać» hetuju inicyjatyvu.
Kamientary