Śmiarotna pjany 26-hadovy žychar Śvietłahorska ździejśniŭ DTZ na čužoj mašynie. Ciapier aŭtamabil padlahaje kanfiskacyi, a praćvierazieły parušalnik staŭ fihurantam kryminalnaj spravy, piša miascovaje vydańnie «Ranak».
«U apieratyŭna-dziažurnuju słužbu RAUS 26 červienia pastupiła paviedamleńnie ab DTZ: kiroŭca Volkswagen Passat nie spraviŭsia z kiravańniem, źjechaŭ u kiuviet i ŭrezaŭsia ŭ dreva, — kaža starejšy śledčy Anatol Juščanka. — U vyniku avaryi kiroŭca atrymaŭ cialesnyja paškodžańni i byŭ dastaŭleny ŭ Śvietłahorskuju CRB, dzie ŭ jaho ŭziali kroŭ na analiz».
Vyniki ŭrazili navat byvałych supracoŭnikaŭ.
«U vyniku chimika-taksikałahičnaha daśledavańnia ŭ kryvi ŭ paciarpiełaha było vyjaŭlena najaŭnaść etyłavaha śpirtu ŭ kolkaści 6,42 pramile, što pieravyšaje dapuščalnuju normu ŭtrymańnia ałkaholu bolš čym u 20 razoŭ», — adznačyŭ supracoŭnik Śledčaha kamiteta.
«Heta śmiarotnaja doza, — śćviardžaje v.a. zahadčyka Śvietłahorskim psicha-narkałahičnaha dyspanseram Pavieł Bukataŭ. — Zhodna ź ciapierašnimi mietodykami, pry vyjaŭleńni ŭ kryvi trupa kolkaści ałkaholu, jakaja pieravyšaje 3 pramile, sudovyja miedyki-ekśpierty pišuć «vostraje atručvańnie etyłavym śpirtam».
Pa słovach ekśpierta, dakładna raźličyć kolkaść vypitaha ałkaholu pa ŭzroŭni ŭtrymańnia śpirtu ŭ kryvi dastatkova składana: treba ŭličvać ahulny stan arhanizma, vahu čałavieka, poł, kolkaść zakuski, stan piečani i hetak dalej.
«Kali pierakładać na harełku, tut havorka idzie pra bolš čym pra adzin litr», — skazaŭ na zakančeńnie Bukataŭ.
Pavodle infarmacyi staršaha śledčaha Anatola Juščanka, u chodzie pravierki było ŭstanoŭlena, što kiroŭca užo pryciahvaŭsia da adkaznaści za znachodžańnie za styrnom u niećviarozym vyhladzie i ŭ listapadzie minułaha hoda byŭ za heta pazbaŭleny pravoŭ.
«Za paŭtornaje na praciahu hoda parušeńnie Śvietłahorskim RASK ŭzbudžanaja kryminalnaja sprava art. 317-1 KK Biełarusi «Kiravańnie transpartnym srodkam asobaj, jakaja znachodzicca ŭ stanie apjanieńnia», — kaža Juščanka. — Aŭtamabil padlahaje śpiecyjalnaj kanfiskacyi».
Pa słovach starejšaha śledčaha, padazravany nie źjaŭlajecca ŭłaśnikam aŭtamabila, jaki patrapiŭ u DTZ. Uładalnik transpartnaha srodku pryciahnuty da administracyjnaj adkaznaści za pieradaču kiravańnia asobie biez pravoŭ.
Ciapier čytajuć
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»17
Krutoha ajcišnika, jaki viarnuŭsia z Polščy, kinuli za kraty za finansavańnie «ekstremizmu»
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary