Niemcy pabudujuć u Miorach kardyjacentr. Biełarusaŭ buduć lačyć biaspłatna, a zamiežnikaŭ — za hrošy
U Miorach źbirajucca pabudavać mižrajonny miedycynski centr ź niamieckimi inviestycyjami i technałohijami. Havorka pra heta išła padčas naviedvańnia Alaksandram Łukašenkam Miorskaj centralnaj rajonnaj balnicy, pieradaje BIEŁTA.
Alaksandr Łukašenka sustreŭsia tam ź biełaruskim biznesmienam Alaksiejem Kavalonkam, dziakujučy jakomu ŭ horadzie pačali ŭzvodzić unikalny pramysłovy abjekt z pryciahnieńniem niamieckich inviestycyj i pa niamieckich technałohijach — Miorski mietałaprakatny zavod.
Pradprymalnik prapanavaŭ pabudavać u Miorach padobnym čynam jašče adzin abjekt — vysokatechnałahičny kardyjałahičny centr pa niamieckich standartach. Jon budzie stvorany dla akazańnia ekstranaj i płanavaj śpiecyjalizavanaj dapamohi nasielnictvu bližejšych rajonaŭ i ekspartu miedycynskich pasłuh zamiežnym hramadzianam.
«Ź biudžetu na budaŭnictva ničoha nie treba, usio budzie pabudavana zamiežnym partnioram, kiravańnie budzie zamiežnaje. Takich niama ni ŭ nas, ni ŭ Rasii, ni ŭ Kazachstanie», — adznačyŭ Alaksiej Kavalonak.
Alaksandr Łukašenka adkazaŭ, što vyvučyŭ hety prajekt. «Kali my budziem u ciabie lačyć ludziej, jakija nie mohuć zapłacić, my za ich budziem płacić», — skazaŭ Łukašenka. Razam z tym jon padkreśliŭ, što ceny pavinny być uzvažanymi. «Kali my budziem bačyć, što nam heta prapanujuć dla taho, kab zarabić vialikija hrošy (nie dumaju, što heta tak), my admovimsia ad pasłuh, tamu što ŭ nas chapaje, dzie lačyć ludziej», — skazaŭ jon.
Prajektyroŭščykam i pastaŭščykom abstalavańnia, kali rašeńnie ab budaŭnictvie miedcentra budzie pryniata, stanie niamieckaja kampanija KBV GmbH & Co. KG z bolš jak 40-hadovym vopytam pracy ŭ śfiery achovy zdaroŭja. Płanujecca, što inviestycyi składuć amal 77 miljonaŭ jeŭra.
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary