U adroźnieńnie ad červienia, druhi letni miesiac vydaŭsia nie takim jarkim na muzyčnym froncie. Adnak i ŭ lipieni byli cikavyja relizy, na jakija my chočam źviarnuć vašu ŭvahu.
Years & Years — Palo Santo
Druhi albom brytanskaha sinci-pop hurta. U albomie muzyki raskazvajuć pra nasieleny androidami suśviet Palo Santo, što pierakładajecca jak «śviatoje dreva».
Deafheaven — Ordinary Corrupt Human Love
Čaćviorty albom błekhiejz-hurta z San-Francyska natchniony tvoram piśmieńnika Hrema Hryna «The End of the Affair». Deafheaven ekśpierymientujuć z hitarnymi matyvami i našmat bolš składanymi materyjami, hulajučy z atmaśfieraj svaich trekaŭ.
Chelsea Grin — Eternal Nightmare
Uviesnu z hurta syšli dvoje ŭdzielnikaŭ, u tym liku i vakalist. Ale abnaviŭšysia, hurt zachavaŭ aryhinalnuju nazvu, a ŭ lipieni vydaŭ novuju płytku.
Aściarožna! Dezkor — muzyka nie dla ŭsich!
The Internet — Hive Mind
Pad hety albom možna ščaśliva pravieści kaniec leta i nie bajacca ni daždžoŭ, ni śpioki. Udzielniki The Internet paśla solnych pošukaŭ znoŭ sabralisia razam i zapisali adzin z najlepšych albomaŭ leta.
Daron Malakian & Scars On Broadway — Dictator
U toj čas, kali fany System Of A Down užo amal stracili nadzieju na novy albom kultavaha hurta, Daron Małakian zapisaŭ druhi albom svajho sajd-prajekta Scars On Broadway.
Denzel Curry — TA1300
Albom «TA1300» (TABOO) składajecca z troch častak. Na kožnaj Kary usio hłybiej pahružajecca va ŭnutrany zmrok.
Kali pieršy akt, heta pieravažna ramantyčnyja treki, niachaj i ź nieviasiołym pasyłam, to finał hučyć nibyta repier źjechaŭ z hłuzdu.
Hybrid — Light Of The Fearless
Piaty ŭ dyskahrafii i pieršy za vosiem hadoŭ albom brytanskich elektronščykaŭ. Muzyku Hybrid možna pačuć u šmatlikich halivudskich filmach.
A što vy słuchali ŭ lipieni?
Kamientary