Sibiha: U dzień naradžeńnia Pucina rasijskija hienierały padnieśli jamu jahony lubimy padarunak
7 kastryčnika, u dzień, kali Uładzimiru Pucinu spoŭniłasia 74 hady, Rasija masavana atakavała Ukrainu rakietami i bieśpiłotnikami. U vyniku zahinuli prynamsi šeść čałaviek. Ministr zamiežnych spraŭ Ukrainy Andrej Sibiha adreahavaŭ na rasijskuju ataku ŭ dzień naradžeńnia kiraŭnika RF.
«U dzień naradžeńnia Pucina rasijskija hienierały padnieśli jamu jaho ŭlubiony padarunak — vajennyja złačynstvy», — zajaviŭ Sibiha.
Pavodle kiraŭnika ŭkrainskaha MZS, padčas ataki Rasija vykarystała sotni rakiet i bieśpiłotnikaŭ. Udary naniesienyja pa žyłych damach i krytyčnaj infrastruktury ŭ Kijevie, Dniapry, Zaparožžy, Kremienčuhu i Pryłukach.
U Kijevie zahinuli prynamsi dva čałavieki, jašče čaćviora — u inšych rehijonach krainy.
Sibiha zajaviŭ, što rasijskija hienierały nie kažuć Pucinu hałoŭnaha: toj nie pieramahaje ŭ vajnie i «nikoli nie pieramoža».
«Jon straciŭ 1,6 miljona vajskoŭcaŭ zabitymi i paranienymi, tak i nie dasiahnuŭšy nivodnaj sa stratehičnych met svajho ŭvarvańnia. Jaho pavolnaje prasoŭvańnie spyniłasia, a Ukraina pačała vyzvalać bolš terytoryj, čym jamu ŭdajecca zachapić. Jaho ekanomika zaniepadaje, a ŭpłyŭ u śviecie słabieje. I ŭsio heta tamu, što jon admaŭlajecca spynić hetuju vajnu», — skazaŭ ministr.
Paśla ataki Sibiha zaklikaŭ partnioraŭ Ukrainy padnieści Pucinu «sapraŭdnyja padarunki», jakija prymusiać jaho vybrać dypłamatyju zamiest vajny. Siarod ich jon nazvaŭ uzmacnieńnie sankcyj suprać rasijskaha vajenna-pramysłovaha kompleksu, pastaŭki Ukrainie nieabchodnych srodkaŭ supraćpavietranaj abarony i enierhietyčnuju dapamohu napiaredadni zimy.
«Ale jaho hałoŭnym padarunkam stanie miesca pad vartaj u Haazie. My rychtujem Śpiecyjalny trybunał pa złačynstvie ahresii suprać Ukrainy da praktyčnaha zapusku ŭžo ŭ nastupnym hodzie. Pucin i jaho pamahatyja pavinny viedać: adkaznaść niepaźbiežnaja», — zajaviŭ Sibiha.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary
[Zredahavana]
[Zredahavana]