69% baćkoŭ u Tatarstanie vybrali tatarskuju movu ŭ jakaści rodnaj dla svaich dziaciej-školnikaŭ, jašče 29% — ruskuju. Pra heta paviedamiŭ na pres-kanfierencyi deputat rasijskaha parłamienta ad Tatarstana Ildar Hilmutdzinaŭ. Cikava, što ŭ Tatarstanie pracentnaja dola tatarskaha i ruskaha nasielnictva inšaja — tataraŭ u respublicy ŭsiaho kala 53%, a ruskich — kala 40%.
Nahadajem, rasijski parłamient uchvaliŭ zakon ab vyvučeńni rodnych moŭ, u adpaviednaści ź jakim aficyjnyja movy nacyjanalnych respublik pierastanuć być abaviazkovymi pradmietami i piarojduć u nieabaviazkovuju častku školnaj prahramy. Naprykład, u Tatarstanie vykładać tatarskuju movu buduć na fakultatyvach tolki tym školnikam, dla jakich hetaja mova źjaŭlajecca rodnaj.
Čytajcie taksama: U Rasii chočuć kančatkova vykinuć nacyjanalnyja movy sa školnaj prahramy
Aktyvisty i baćki školnikaŭ u rasijskich respublikach aścierahajucca, što heta moža vyklikać niezvarotnyja nastupstvy dla nacyjanalnych moŭ, bo baćki ŭ jakaści rodnaj movy buduć vybirać ruskuju movu, kab spraścić dziciaci padrychtoŭku da ŭstupnych ispytaŭ.
Adnak vyniki apytańniaŭ kažuć pra toje, što jak tatarskija baćki (u tym liku ruskija pa nacyjanalnaści), tak i tatarskija ŭłady nie źbirajucca zdavacca pad naciskam Maskvy.
