U Viciebsku žančyna padazrajecca ŭ tym, što prydumvała historyi pra śmierć svajakoŭ i prasiła ŭ inšych ludziej hrošaj, za jakija kuplała ałkahol i pradukty, paviedamlaje Śledčy kamitet.
Pavodle śledstva, u lutym-sakaviku 40-hadovaja biespracoŭnaja žančyna pryjazdžała ŭ Pastavy, Hłybokaje i Šarkaŭščynu, dzie ŭ charčovych i kramach rytualnych pasłuh sprabavała prydumanymi historyjami pra śmierć svajakoŭ razžalić ludziej, jakija addavali joj hrošy, a jana traciła ich na śpirtnoje i pradukty.
Naprykład, u adnym z mahazinaŭ žančyna narakała, što joj niama čym raspłacicca za pieravozku cieł svajakoŭ z Baraŭlanŭ ŭ Viciebskuju vobłaść. Pakinuŭšy rečy ŭ kramie rytualnych tavaraŭ, u tym liku zamoviŭšy tabličku z vydumanym imiem na pomnik, abvinavačanaja paprasiła ŭ pradaŭca ŭ doŭh na niekalki hadzin 170 rubloŭ. Pierakanaŭšy, što raźličycca za zakaz paźniej i viernie doŭh, navat pradyktavała vydumany numar mabilnaha telefona.
Pavodle śledstva, za 6 razoŭ žančyna vymantačyła ŭ ludziej 510 rubloŭ.
U charčovych kramach žančyna adkładała pradukty charčavańnia i śpirtnyja napoi nibyta dla pachavańnia, pierakonvajučy, što vierniecca i apłacić ich paźniej. Akramia hetaha, jana prasiła pazyčyć joj hrošy dla apłaty rytualnych pryład, abiacajučy ŭsio viarnuć.
Žančynu ŭziali pad vartu.
Kamientary