U pracy ŭrada nie moža być drobiaziaŭ, zajaviła Kiraŭnik Administracyi prezidenta Biełarusi Natalla Kačanava siońnia na pradstaŭleńni novaha składu ŭrada supracoŭnikam Aparatu Savieta ministraŭ, piša BiełTA.
Nahadajem, što premjer-ministram Biełarusi pryznačany Siarhiej Rumas. Pieršym namieśnikam premjer-ministra staŭ Alaksandr Turčyn. Namieśnikami premjer-ministra pryznačanyja Ihar Lašenka, Uładzimir Kucharaŭ, Ihar Pietryšenka. Na pasadzie vice-premjera zastajecca Michaił Rusy. Raźmierkavańnie abaviazkaŭ pamiž vice-premjerami budzie zamacavana na hetym tydni ŭ adpaviednym dakumiencie ŭrada.
«Dumaju, što Siarhiej Mikałajevič (Rumas) jašče ŭvažliva vyvučyć strukturu ŭrada, funkcyjanalnyja abaviazki kožnaha. Kiraŭnik dziaržavy pastaviŭ takuju zadaču — razabracca z funkcyjanałam. Mahčyma, buduć niejkija inšyja źmieny, pra heta kiraŭnik urada pastavić u viadomaść, kali buduć pryniatyja takija rašeńni», - skazała kiraŭnik Administracyi prezidenta.
Natalla Kačanava źviarnuła ŭvahu, što Administracyja prezidenta i ŭrad pracujuć va ŭzajemadziejańni, i heta pavinna być sapraŭdy efiektyŭnaja sumiesnaja plonnaja dziejnaść. Heta, pierš za ŭsio, vykanańnie daručeńniaŭ kiraŭnika dziaržavy, paznačanych u Pasłańni biełaruskamu narodu i Nacyjanalnamu schodu ŭ hetym hodzie, zadačy, pastaŭlenyja na piatym Usiebiełaruskim narodnym schodzie, na naradach u Łukašenki.
«Usie pastaŭlenyja zadačy pavinny vykonvacca, - padkreśliła Natalla Kačanava. — Samaje hałoŭnaje — heta narod, ludzi. Heta hałoŭnaja ideałohija i palityka».
Inžyniera-kanstruktara z upraŭleńnia «Pielenha», jakoje robić techniku dla rasijskaha vojska, asudzili pa palityčnych artykułach3
Kamientary