U internecie źjaviłasia videa z kadrami, jak u Minsku na adkryćci kramy ludziam kidajuć maroziva z uvachodu, a tyja jaho łoviać.
Usio adbyłosia 20 žniŭnia na Karžanieŭskaha, 4a, na adkryćci kramy «Trya». Na videa bačna, jak z uvachodu natoŭpu kidajuć maroziva. Niekatoryja jaho łoviać, niekatoryja — nie.
Markietołah kramy «Trya» raspaviadaje, što adkryćcio płanavali pravieści jak zvyčajna — z dehustacyjaj pradukcyi ŭłasnaj vytvorčaści. Kampanija pravodzić takija akcyi pry adkryćci handlovych kropak rehularna. Ale taki ažyjataž, jak na Karžanieŭskaha, zdaryŭsia ŭpieršyniu.
— Pa techničnych pryčynach u nas adkryćcio było trochi nie ŭ čas. Płanavali ŭ 16.00, a pa fakcie adkryli dźviery dzieści ŭ 17.15. Ludzi byli niejkimi azłoblenymi. My chacieli vynieści maroziva na stoł dla dehustacyi, jak my zvyčajna robim, ale nam navat nie dali hetaha zrabić, my nie paśpieli. Ludzi pačali chapać maroziva z ruk, skrynki upali, niechta kryčaŭ: «Dajcie nam, tut dzieci!». [Pieršyja] naviedvalniki pačali kidać heta maroziva apošnim i ŭsie pačali kryčać: «Dajcie nam!».
Markietołah kaža, što rabotniki kramy sami nie čakali, što vyjdzie takaja situacyja i ludzi pryjduć na adkryćcio ź niehatyvam.
— My hetaha nie płanavali i nie chacieli. U nas stajała try dehustacyjnyja stały. My častavali napojami, čypsami, usio było narmalna, a maroziva navat nie paśpieli vynieści. Tam byŭ taki natoŭp, što nam daviałosia achovu vyklikać.
Rabotnik «Trya» kaža, što ŭ nastupny raz jany nie stanuć ŭkazvać čas, kab padobnych situacyj i niehatyvu paźbiehnuć.
Udava aktyvista Maksima Čarniaŭskaha raskazała pra jaho pakuty pierad suicydam5
Kamientary