Uładzimir Pucin skazaŭ kancleru Hiermanii Anhiele Mierkiel, što Rasija płanuje zachavać tranzit hazu praz Ukrainu. Pra heta paviedamiŭ pres-sakratar prezidenta Rasii Dźmitryj Piaskoŭ, pieradaje «RIA Novosti».
«Pucin skazaŭ, što tranzit praz Ukrainu budzie zachavany», — skazaŭ Piaskoŭ. Pres-sakratar nahadaŭ, što lidary dźviuch krain abmierkavali «prahnozy abjomaŭ spažyvańnia hazu na jeŭrapiejskim kantyniencie». «Vidavočna, što spažyvańnie budzie raści, ale ŭ jakoj stupieni — heta pa-raniejšamu pytańnie dla dalejšaj prapracoŭki», — reziumavaŭ Piaskoŭ.
Da pačatku pieramoŭ Pucin i Mierkiel zrabili pierad rezidencyjaj Miezierbierh niekalki zajaŭ adnosna roli Ukrainy paśla zapusku «Paŭnočnaha patoku — 2». Tady Mierkiel skazała, što Ukraina nie pavinna pazbavicca statusu tranzitnaj krainy dla rasijskaha hazu. Pucin zrabiŭ ahavorku, što dla Rasii hałoŭnaje, kab «ukrainski tranzit adpaviadaŭ ekanamičnym patrabavańniam, byŭ ekanamičnym va ŭsich sensach hetaha słova».
Kamientary