Arhanizatar fiestyvalu FSP i kiraŭnik rekłamnaha ahienctva Pocket Rocket Dzianis Čyrka raspavioŭ na svajoj staroncy ŭ Facebook, što «hałoŭny piknik leta» zaraz stanovicca bijenale i ŭ nastupny raz projdzie ŭ 2020 hodzie, piša Tut.by.
— FSP — hrandyjozny ŭnutrany pradukt maleńkaha ahienctva Pocket Rocket, — piša Dzianis. — Byli hady, kali fiestyval spansavaŭ ahienctva i naadvarot. FSP staŭ realizacyjaj našych ambicyj — pieršapačatkova nichto nie razumieŭ, jak robicca fiestyval, źbirajecca kamanda, źjaŭlajucca sponsary, branirujucca muzykanty, robicca rekłamnaja kampanija i inš. U 2018 kolkaść sponsaraŭ, fudkortaŭ, viendaraŭ i pryhožych haściej i instahramak pieravysiła histaryčny maksimum. Usio atrymałasia i dakładna atrymajecca ŭ nastupnym hodzie. Jość adno «ale». Pocket Rocket — hetaja płatforma pusku novych niestandartnych prajektaŭ, a nie kaśmičnaja arbitalnaja stancyja. Nam žyćciova nieabchodna pieraadolvać pryciahnieńnie, a nie padtrymlivać vialikija ŭžo sfarmiravanyja prajekty.
Karaciej, my namacali novyja kirunki raźvićcia ahienctva, pastavili ciažkija dla realizacyi mety i imkniomsia da ich. Pačniom ź niekalkich virusnych rolikaŭ, hłabalnych dyzajn-sistem. Sačycie za nami, abiacajem paru bombaŭ u pačatku studzienia 2019.
Pa słovach arhanizataraŭ, piknik projdzie 25 i 26 lipienia 2020 hoda, i heta budzie ŭžo inšy fiestyval zusim novaha ŭzroŭniu.
Pamierła palitźniavolenaja Alena Pankova. Paŭhoda nazad jaje asudzili za ŭdzieł u pratestach7
Kamientary