Kiraŭnik adździeła ABSIE i Rady Jeŭropy hałoŭnaha ŭpraŭleńnia Jeŭropy MZS Biełarusi Dzianis Sidarenka zajaviŭ pra nieabchodnaść jurydyčna aformić adnosiny Biełarusi ź Jeŭrasajuzam. Vystupajučy 15 listapada na XI Minskim forumie, jon zaklikaŭ vyznačycca sa statusam pahadnieńnia ab partniorstvie i supracoŭnictvie PCA (Partnership and Cooperation Agreement), jakoje było padpisana bakami ŭ 1995 hodzie, ale nie ŭvajšło ŭ siłu.
Pradstaŭnik MZS zajaviŭ pra novuju staronku ŭ adnosinach pamiž Biełaruśsiu i ES i važnaść praciahu dyjałohu i pracy pa pieraadoleńni roznahałośsiaŭ. Jon padkreśliŭ, što Brusiel pavinien kazać nie pra ŭmovy raźvićcia adnosin ź Biełaruśsiu, a pra svaje čakańni. Pavodle słoŭ D.Sidarenki, u raźvićci adnosin hałoŭnymi pavinny być intaresy zvyčajnych hramadzian krain ES i Biełarusi.
Kiraŭnik adździeła Biełarusi, Małdovy i Rasii MZS Hiermanii Ernst Rajchiel adznačyŭ adsutnaść jurydyčnaj mahčymaści raźvićcia adnosin pamiž Minskam i Brusielem biez PCA. Jon padkreśliŭ, što čym bližej Biełaruś budzie da Jeŭrasajuza, tym bolšymi buduć čakańni. «Jak ni nazyvaj umovy Jeŭrasajuza, praź piać miesiacaŭ nastanie čas, kali Brusiel padviadzie rysu, kab pahladzieć, što zroblena biełaruskimi ŭładami.
Patrabavańni ES patrebny nie ES — jany ŭ intaresach biełaruskaha naroda», — zajaviŭ E.Rajchiel.
Pradstaŭnik MZS Hiermanii źviarnuŭ uvahu na toje, što Brusiel nie prymušaje Biełaruś rabić vybar pamiž ES i Rasijaj: «My nie bačym supiarečnaści ŭ namiery biełaruskich uładaŭ supracoŭničać z usimi svaimi susiedziami».
