Stan adnahadovaha chłopčyka, jaki vyvaliŭsia z akna doma ŭ Mahilovie, miedyki aceńvajuć jak ciažki, ale stabilny. Pra heta ŭ efiry telekanała ANT paviedamiŭ namieśnik hałoŭnaha lekara pa chirurhii Mahiloŭskaj abłasnoj dziciačaj balnicy Hjenadź Vajciachovič.
Pa jaho słovach, chłopčyku daviadziecca pravieści ŭ balnicy nie mienš za miesiac. Pry hetym doktar miarkuje, što, kali chłopčyk vyraście, nichto navat nie zdahadajecca, što ŭ dziacinstvie ŭ jaho była ciažkaja traŭma.
Zdareńnie ŭ Mahilovie adbyłosia ŭviečary 2 vieraśnia. Dzicia vyvaliłasia z akna siomaha paviercha i zastałosia žyvym, choć i atrymała surjoznyja traŭmy. Pavodle infarmacyi Śledčaha kamiteta, maci ź dziciem viarnułasia z prahułki, pamyła jaho i pakłała na kanapu ŭ haścioŭni. Žančyna adyšła na kuchniu, a viarnuŭšysia, užo nie pabačyła syna — tolki adčynienaje akno. Maskitnaj sietki na aknie nie było, tamu zatrymać dzicia nie mahło ničoha.
Vidavočcaj zdareńnia stała susiedka, jakaja i vyklikała «chutkuju».
