vsr.mil.by
Chadajnictva ab hetym padaŭ prakuror. Dopyt Kanstancina Čarnieckaha moža adbycca ŭžo zaŭtra, piša Radyjo Svaboda.
Pałkoŭnik Kanstancin Čarniecki byŭ zvolnieny z pasady kiraŭnika 72-ha Abjadnanaha navučalnaha centra ŭ Piečach u kancy kastryčnika 2017 hoda, praz dva tydni paśla taho, jak u padvale miedycynskaj roty było znojdzienaje cieła Alaksandra Koržyča.
Na svajoj pasadzie Čarniecki prabyŭ mienš za hod — z pačatku śniežnia 2016-ha. Zahad ab zvalnieńni Čarnieckaha z pasady padpisaŭ asabista Alaksandr Łukašenka.
Maci zahinułaha sałdata Śviatłana Koržyč pierad pačatkam pracesu zajaŭlała, što chacieła b bačyć Čarnieckaha na łavie padsudnych siarod inšych abvinavačanych.
Chadajnictva ab vykliku byłoha načalnika Abjadnanaha navučalnaha centru ŭ sud padaŭ prakuror. Dastavić Čarnieckaha dla apytańnia mohuć užo ŭ sieradu 5 vieraśnia.
4 vieraśnia na pracesie praciahvajecca dopyt aficeraŭ z častki Koržyča. Pieršym pakazańni daje były načalnik 3-j škoły, u jakoj słužyŭ Koržyč, Alaksandr Čarnoŭ.
