Alaksandr Łukašenka pryniaŭ z dakładam ministra zamiežnych spraŭ Uładzimira Makieja. Padčas sustrečy kiraŭnik krainy i kiraŭnik MZS razhledzieli stan spraŭ u zamiežnaekanamičnaj dziejnaści i hrafik mižnarodnych sustreč. Pra heta paviedamlaje pres-słužba prezidenta Biełarusi.
«Pieršaje i asnoŭnaje pytańnie — heta analiz źniešnieekanamičnaj dziejnaści. Kali brać našu zamiežnuju palityku, u nas tut bolš-mienš stabilnaja situacyja. Što tyčycca naohuł źniešniepalityčnych pryjarytetaŭ, jany vyznačany. Padabajecca heta kamu-niebudź ci nie, šmatviektarnaść źniešniaj palityki zychodzić z našaha miesca ŭ śviecie, vyznačanaha hospadam boham. I ad hetaha nikudy nie dzieniešsia»,— skazaŭ kiraŭnik krainy.
«Ja ŭžo kazaŭ, što ekanomika — heta pryjarytet numar adzin. I kali čahości bajacca, to treba bajacca i dryžać za ekanomiku, kab jana raźvivałasia jak maje być», — adznačyŭ Alaksandr Łukašenka.
Jon padkreśliŭ, što ekspart — asnova biełaruskaj ekanomiki. Mienavita tamu źniešnieekanamičnaja dziejnaść raźvivajecca z akcentam na ekspart. «Jak tut u nas situacyja?» — pacikaviŭsia kiraŭnik dziaržavy.
U jakaści druhoha pytańnia Alaksandr Łukašenka vyznačyŭ hrafik budučych kantaktaŭ, pierš za ŭsio na najvyšejšym uzroŭni. «Heta tyčycca prezidenta — na astatni pramiežak hetaha hoda. Asnoŭnyja mierapryjemstvy ŭnutry krainy i z vyjezdam za miežy. My taksama damaŭlalisia, što heta pavinna być sistematyzavana i mnie dakładziena pa ŭsich mierapryjemstvach», — skazaŭ jon.
U častcy źniešnieekanamičnaj dziejnaści Uładzimir Makiej naroŭni ź niedachopami adznačyŭ najaŭnaść pazityŭnych tendencyj. Za pieršaje paŭhodździe 2018 hoda ekspart vyras na 19,4%. Pry hetym nazirajecca rost pastavak vysokatechnałahičnych tavaraŭ. «Idzie rost na ŭsich rynkach. U zaležnaści ad rynku — ad 4% da amal 30%. Heta stanoŭčyja momanty. Vielmi aktyŭna raźvivajecca źniešnieekanamičnaja dziejnaść z Kitajem. U nas tut rost na 37%. Pajšła sielskahaspadarčaja pradukcyja», — skazaŭ ministr.
Ciapier čytajuć
U Minsku adbylisia masavyja zatrymańni vydaŭcoŭ i kniharaspaŭsiudnikaŭ31
Kamientary